Өнгөрсөн Лхагва гаригт болсон АНУ-ын ерөнхийлөгчийн төлөөх мэтгэлцээнд Камала Харрис илт давуу чадварлаг байдлаа харуулсан. Үзэгчдийн санал асуулгаар иргэд Камала Харрис өрсөлдөгч Дональд Трампаас хэд дахин илүү санал авсан байна. Үүний дараа Дональд Трамп сонгуулийн эцсийн өдөр хүртэл Камала Харристай дахин мэтгэлцэхгүй гэсэн байна.

Дональд Трамп "Truth Social" дээр "Гуравдахь мэтгэлцээн болохгүй" гэж бичсэн байна.

Тэрбээр өмнө нь Жо Байдентай мэтгэлцэхдээ илт давамгай байсан ч насаар дүү Камала Харрис Ардчилсан намын нэрийн өмнөөс "өшөө" авч чадсан гэж шинжээчид үзэж буй.  "Nielsen"-ийн мэдээлснээр, мэтгэлцээн 67.1 сая телевиз үзэгчдийн анхаарлыг татсан байна. Мэтгэлцээний дараа үзэгчдийн 53 хувь нь Харрис, 24 хувь нь Трампт саналаа өгчээ. Мөн нийт санал асуулгад оролцсон үзэгчдийн 54 хувь нь Дональд Трамп болон Камала Харрис нар нэг л удаа мэтгэлцэхэд хангалттай байсан гэв. Үлдсэн 46 хувь нь хоёрдох удаагийн мэтгэлцээнийг хүсч байна.

Эх сурвалж: JAPAN TODAY