Украины ерөнхийлөгч Володимир Зеленский дайныг зогсоох төлөвлөгөөгөө холбоотон орнуудад танилцуулахыг хүсч байна. Тэрбээр Лхагва гаригт /2024.09.11/ Киев хотноо болсон олон улсын хэвлэлийн бага хурлын үеэр ОХУ-ыг хамарсан төлөвлөгөөний талаар дурджээ. Уг төлөвлөгөө нь "дайныг сэтгэлзүйн хувьд болон улс төрийн хүрээнд зогсоож чадна" гэж Зеленский тодорхойлсон байна.

Оросын түрэмгийллийг зогсоох зорилготой Энх тайвны дээд хэмжээний уулзалт ирэх арваннэгдүгээр сард болно.

Үүнээс өмнө төлөвлөгөөг бүрэн эхээр нь танилцуулна гэж шинжээчид үзэж байна. Киев хотод болсон бага хуралд АНУ-ын Төрийн нарийн бичгийн дарга Энтони Блинкен, Их Британийн Гадаад хэргийн сайд Дэвид Ламми нар оролцсон. Тэд ерөнхийлөгч Зеленскийтэй уулзсан бөгөөд шинэ төлөвлөгөө нь Украины тусгаар тогтнолыг хадгалж чадна гэдэгт итгэж байна.

Олон лусын хэвлэлийн бага хурлын төгсгөлд Зеленский Орост алдсан газар нутгаа эргүүлэн авч, хилийн хяналтаа чангатгах шийдвэр гаргасан гэдгээ илэрхийлжээ. Тэрбээр "Украин газар нутгаа наймаалахгүй. Ард түмнээ мөн адил хөсөр хаяхгүй" гэсэн байна.

Эх сурвалж:NHK