Перугийн удирдагч асан Альберто Фужимори 86 насандаа таалал төгслөө. Тэрбээр хэлний хавдраар нас барсан гэж охин Кейко Фужимори мэдэгдсэн байна.  Альберто 1999-2000 оны хооронд Перуг удирдаж байсан ч авлигын хэрэгт холбогдсоноор албан тушаалаасаа хөөгдсөн байдаг. Мөн засгийн эрхийг удирдаж байхдаа зүүний партизан босогчдын эсрэг хатуу байр суурьтай байсан нь түүнийг хүний эрхийг ноцтой зөрчсөн хэрэгт унагасан байдаг. Альбертогийн дэмжигчид партизан босогчдын эсрэг үйл хэргийн нь дэмжиж байсан ч улс төрийн байдал хурцадмал болж, тэрбээр эх орноосоо дүрвэсэн. Гэсэн хэдий ч баривчлагдаж, шоронд урт хугацаанд хоригджээ.

Альбертогийн аав нь Японы цагаач байсан. Альберто улс төрд орсон цагаасаа эхлэн томоохон үйл явдлуудад оролцсон. Гэхдээ түүнийг буруутгасан гол үйл явдал нь 1990 оны алан хядах ажиллагааг удирдсан нь юм. Альбертогийн дэмжигчдийн хувьд тэрээр Маоист босогчдын харгис бүлэг болох Сендеро Луминосоос Перуг аварсан баатар аж. Тухайн үед 69 мянган хүн амиа алдсан тул олон улсын түвшинд Альберто дарангуйлагч, хүний эрхийг үгүйсгэгч нэр авсан байдаг.

Эх сурвалж:BBC