"Шинэ кассетний баяраа сэтгэл догдлон хүлээж байна"

Сайн байна уу? Солонгорон харагдах миний нийслэл хэмээн бүх хүний сэтгэлд хоногшсон "The Lemons" хамтлаг уламжлал болсон “Red Party” тоглолтоо маргааш /2024.09.13/ болох гэж байна. Энэ удаа тэд “Залуу Ленины ойролцоо 3 давхарт” цомгоо кассет хувилбарт шилжүүлсэн баяраа давхар тэмдэглэж буй юм. Мөн тус хамтлаг анх удаа задгай талбайд тоглолтоо зохион байгуулж буйгаараа онцлогтой. Уран бүтээл хийж эхэлсэн цагаасаа хойш тэд CD, пянз, кассет гээд хөгжмийн бүх төрлийн форматаар цомгоо гаргажээ. “Залуу Ленины ойролцоо 3 давхарт” кассетний хувьд цөөн тоогоор хэвлэгдсэн бөгөөд зөвхөн маргаашийн тоглолтон дээрээ худалдаалах юм.

Шинэ кассетний хувилбарт тэдний тэр бүр тоглогдоод байдаггүй 11 дуу багтсан байна.

"Red Party" болон кассетны баярт урилгаар "The Lemons" хамтлагтай нэг лебелд харьяалагддаг "A-Sound" хамтлаг хүрэлцэн ирж үзэгчдэд бэлэг барих аж. Түүнчлэн "Uudee’s Swashbuckling Dandies" хамтлаг, “The Colors” хамтлагийн гишүүн DJ Nomtii, бие даан уран бүтээл туурвидаг DJ Roxy нар хүрэлцэн ирнэ.

"The Lemons" хамтлаг "Шинэ кассетний баяраа сэтгэл догдлон хүлээж байна. Тоглолтдоо зориулж удаан хугацаанд бэлтгэлээ хийсэн. Тиймээс бид бэлэн" хэмээн үзэгчиддээ хэлсэн юм.

Тасалбарыг үзэгч та бүхэн:

Shoppy.mn /https://shoppy.mn/products/red-party-lemons-240913/
Өөрт ойрхон GS25 сүлжээ дэлгүүрүүдээс есдүгээр сарын 12-ны өдрийг хүртэл Late bird буюу 70,000 төгрөгөөр хямдралтай үнээр худалдан авах боломжтой.
Мөн тасалбарыг тоглолт болох өдөр буюу 09 дүгээр сарын 13-ны өдөр Happy park-н үүдэнд 100,000 төгрөгөөр борлуулна.

“Red Party болон Кассетны баяр” тоглолтоор уулзацгаая…