Хойд Солонгос Пүрэв гаригийн өглөө хэд хэдэн удаа богино зайн баллистик пуужин харвасан гэж Өмнөд Солонгос мэдэгдэв. Тодруулбал, Пёньяны хэсгээс өглөөний 07:10 цагт пуужин харвасан гэж Нэгдсэн штаб мэдээлэв. Өнгөрсөн долдугаар сарын 1-нээс хойш Хойд Солонгос пуужингийн туршилт явуулаагүй байсан. Энэ талаар тус улсын албаны хүмүүсээс тодруулахад шинэ төрлийн тактикийн баллистик пуужин болох "Hwasong-11"-г туршилтын журмаар харвасан гэв. Уг пуужин нь хэт том цэнэгт хошуу тээвэрлэх хүчин чадалтай аж.

Түүнчлэн, Хойд Солонгос хөрш Өмнөд Солонгосыг онилох баллистик пуужинг их хэмжээгээр үйлдвэрлэх болно гэж сүрдүүлжээ.

Учир нь АНУ болон Өмнөдийн цэргийн хүчин хамтран цэргийн бэлтгэл хийж буй явдал нь дургүйцлийг төрүүлж байна гэж албаны хүн хэлсэн байна.  Өнгөрсөн сард АНУ, Өмнөд Солонгосын цэргийн хүчин хамтарч Өлчигийн эрх чөлөөний бамбай сургуулилтыг зохион байгуулсан юм. Энэхүү хүрээнд цэргийн шинэ техник, зэвсгүүдийг танилцуулсан байдаг.

Эх сурвалж: NHK