Нийслэлийн цэцэрлэгийн бүртгэлийг 2024 оны наймдугаар сарын 1-ний өдрөөс эхлэн хоёр үе шаттай зохион байгуулж буй. Цэцэрлэгт шинээр 2019 оны нэгдүгээр сарын 01-ээс 2022 оны арванхоёрдуаар сарын 31-ний хооронд төрсөн хүүхэд бүртгүүлнэ.

Нийслэлийн цэцэрлэгийн хоёрдугаар ээлжийн хүсэлтийг "Е-Mongolia" системээр есдүгээр сарын 15-ны 17:00 цаг хүртэл хүлээн авна.

Өнөөдөр /2024.09.12/-ний байдлаар нийт 6,988 хүүхдийн хүсэлт ирсэн байна. Үүнд:

• Багануур дүүрэгт  нийт 213
• Багахангай дүүрэгт нийт 28
• Баянгол дүүрэгт нийт 920
• Баянзүрх дүүрэгт нийт 1,823
• Налайх дүүрэгт нийт 1606
• Сонгинохайрхан дүүрэгт нийт 1,241
• Сүхбаатар дүүрэгт нийт 732
• Хан-Уул дүүрэгт нийт 1,400
• Чингэлтэй дүүрэгт нийт 465 хүсэлт иржээ.

Хоёрдугаар шатны бүртгэлд нэгдүгээр шатанд хүсэлтээ илгээж амжаагүй болон цэцэрлэгт бүртгэлгүй хүүхэд, түр оршин суугчийн хүүхэд хүсэлтээ илгээх боломжтой.

Хэрвээ цахимаар бүртгүүлэх боломжгүй бол ойр байрлах төрийн өмчийн цэцэрлэгт өөрийн болон хүүхдийн бичиг баримттай очиж, дэмжих багийнхны тусламжтайгаар хүсэлтээ цахимаар илгээх юм. Түр оршин суугч нь амьдарч буй дүүргийнхээ хорооны "Хүн ам өрхийн мэдээллийн систем" ХАӨМС-д түр оршин суух хаягийн бүртгэлээ бүртгүүлсэн байх шаардлагатай. Харин элсэлтийн бүртгэлийн хариуг 2024 оны есдүгээр сарын 16-18-ны өдрүүдэд таны бүртгүүлсэн утасны дугаарт мессежээр мэдээлнэ.