Цэцэрлэгийн хүүхдийн хоолны 4000 төгрөгөөр юу авч болох вэ?

Засгийн газрын ээлжит хуралдаанаас цэцэрлэгийн хүүхдийн хоолны түүхий эдийн зардлыг 1000 төгрөгөөр нэмж, 4000 төгрөг болгосон талаар Боловсролын сайд П.Наранбаяр өчигдөр /2024.09.11/ мэдээлсэн. Тэгвэл цэцэрлэгийн хүүхдүүдийн нэг өдрийн хоолны мөнгөөр хангалттай илчлэг, шим тэжээлтэй хүнс, өргөн хэрэглээний бараа авч чадах уу? 4000 төгрөгөөр юу, юу авч болох талаар мэдээллийг хүргэж байна.

НЭГ АЯГА КОФЕНЫ МӨНГӨӨР ТАНЫ ХҮҮХЭД ХООЛЛОЖ БАЙНА

Засгийн газраас гаргасан шийдвэрийн дагуу 8-10 цагийн цэцэрлэгийн хүүхдүүд 4000, 24 цагийн цэцэрлэгт 5100 төгрөгөөр өдөрт хооллож байна. Ингэхдээ эцэг эх, асран хамгаалагч 1000 төгрөгийг нь хариуцахаар болсон. Энэхүү тогтоол нь нийслэл Улаанбаатар хотод хэрэгжих бөгөөд үүнд нийслэлийн төрийн болон орон нутгийн өмчийн 310 цэцэрлэгийн 135 мянга гаруй хүүхэд хамрагдах аж.

Эцэг эх, асран хамгаалагчаас өдөрт 1000 төгрөг авахад сард 22000, жилд 190000 төгрөг зарцуулна.

Ингэснээр хүүхдийн хоолны түүхий эдийн зардлын 75 хувийг төр, 25 хувийг эцэг эх хариуцна. Зорилтот бүлгийн буюу хагас болон бүтэн өнчин, хөгжлийн бэрхшээлтэй хүүхэд, босго шугамаас доогуур орлоготой өрхийн 50440 хүүхдийн хоолны зардлыг төр бүрэн хариуцах юм. Гэхдээ энэ үнийн дүнгээр нэг аяга кофе л авч хүрнэ.

4000 ТӨГРӨГӨӨР РЕСТОРАНД ЖИМСТЭЙ ЦАЙ Ч АВЧ ХҮРЭХГҮЙ

Хүмүүс өдрийн цайны цагаараа ресторанд орлоо гэхэд хамгийн багадаа 15-25 мянган төгрөгөөр хооллодог. Хотын төвийн ресторанд жимстэй цай аяга нь 5000-8500 төгрөгийн хооронд үнэтэй. Харин кофе хамгийн хямд нь американо бөгөөд аяга нь 4000-7000 төгрөгийн хооронд бий. хоолны хувьд ширхгийн хоол 2000-2500 төгрөг, нэгдүгээр хоол 12500-30000 төгрөгийн хооронд бол хоёрдугаар хоол 13 мянган төгрөгөөс эхэлж байна. Гэтэл цэцэрлэгийн хүүхдүүд энэ үнийн дүнгээр шим тэжээлтэй хоол идэж чадаж байгаа юу?

Тал зүсэм пиццаны мөнгөөр хүүхэд хоол, цай, десерт идэх боломжтой хувилбар зөвхөн Монголд л харах боломжтой.

ЭЦЭГ ЭХЧҮҮД ҮҮРЭГ, ХАРИУЦЛАГАТАЙ БАЙХ ШААРДЛАГАТАЙ

Хүүхдүүдийн өдрийн хоолны асуудлыг хөндөж байгаа тохиолдолд эцэг, эхийн үүрэг хариуцлагыг ч давхар зайлшгүй ярих шаардлагатай. Хүүхдээ цэцэрлэгт өгсөн л бол төрд, цэцэрлэгт нь, багш нарт нь бүх хариуцлагыг тохох ёсгүй.

Төрөөс боломжит хувилбарыг санал болгож байгаа ч эцэг эхчүүд хувиасаа хоолны мөнгө дээр өөрсдөө тохиролцож 2000-3000 төгрөг өгөх нь зөв.

Ингэснээр хүүхэд өдөрт шаардлагатай шим тэжээлээ авч чадна. Энэ нь биеийн өсөлт хөгжил болоод оюунд ч нөлөөтэй. Нэг литр бензиний мөнгө л өдөрт хүүхдэдээ зарцуулснаар шим тэжээлийн дутагдлаас хүүхдээ сэргийлнэ гэдгийг хоол зүйч нар зөвлөжээ.

22 сэтгэгдэл

Хариулахаа болих

JenniferKing 2024-09-12 95.182.127.19

Харуулах боломжгүй.

Хариулах

SueReece 2024-09-12 46.8.213.36

ReneeDavis 2024-09-12 109.248.129.227

ToriRoss 2024-09-12 109.248.167.210

KaraMarie 2024-09-12 188.130.218.243

MandyWilliams 2024-09-12 188.130.143.241

BrendaTsai 2024-09-12 45.15.73.112

LisaTorres 2024-09-12 45.81.137.149

JackieBrown 2024-09-12 46.8.56.92

Нэргүй 2024-09-12 202.55.191.130

Эргүү сэтгүүлч их ажил болгож хэнд ч хэрэггүй юм бичжээ. Зөвхөн хоолны материалын мөнгө гэдгийг ойлгож байгаа юм уу? Орцын тооцоо гэдэг өөр шүү. 4000 төгрөг бол хоолны материал авахад хүрэх нь хүрнэ. Харин хөндөх ёстой асуудал бол төр даах биш эцэг эхээс нь гаргуулах тухай ярих хэрэгтэй байсан юм. Мөнгийг нь нэмээд бүр чанартай хоол өгье, эцэг эхээс нь гаргуулъя, хяналтаа тавья гэж бичих байлаа. Юм болгоныг төр хийдэг, төрүүлсэн хүүхдийнхээ хоолыг хүртэл төрд хариуцуулдаг бол сөнөхийн цондон.