Сүүлийн үед сошиал орчинд “Насанд хүрээгүй хүүхэд Вэйп буюу цахилгаан тамхи хэрэглээд улаан хоолойн хорт хавдар туссан, бөөлжиж эмнэлэгт хүргэгдсэн” гэх мэдээллийг хувь хүмүүс өөрсдийн цахим хаягаар нийтлэх болсон. Тэгвэл мэргэжлийн байгууллагын эх сурвалжгүй түгээж буй нь ор үндэсгүй мэдээлэл ажээ.

Хэдийгээр вэйп буюу цахилгаан тамхийг насанд хүрээгүй хүүхэд хэрэглэж байгааг эсэргүүцэж, сэрэмжлүүлж байгаа мэт боловч эрүүл мэндийн ноцтой шалтгааныг эх сурвалж, нотолгоогүй түгээж буй нь зах зээлийн өрсөлдөөн гэж харахад хүргэж байна. Энэ мэт мэдээлэл түгээж байгаа иргэд, олны танил хүмүүс худал мэдээлэл тарааснаар хуулийн өмнө хариуцлага хүлээх шалтгаан болдгийг сануулахад илүүц биз.

Харин цахилгаан тамхины хэрэглээ, худалдааг хуулиар зохицуулах зайлшгүй шаардлага тулгарч буй энэ үед мэргэжлийн байгууллагууд ямар байр суурьтай байгаа нь одоог хүртэл тодорхой биш байна.

Нэмж хэлэхэд, жил бүр утаат янжуур тамхинаас үүдэлтэй өвчлөлөөр найман сая хүн нас бардаг бол сүүлийн 23 жилийн хугацаанд цахилгаан тамхинаас болж 68 хүн нас баржээ.

Иймд иргэд та бүхэн аливаа мэдээлэлд шинжлэх ухаанч байдлаар хандаж, баталгаатай эх сурвалжийн мэдэгдлийг хүлээж авдаг байхыг уриалж байна.