Өнгөрсөн наймдугаар сарын сүүлээр Москва хотноо БРИКС-ийн орнуудын Хотуудын олон улсын форум болж өндөрлөсөн. Тэгвэл Москва хот дахин БРИКС-ийн Хэвлэл мэдээллийн саммитыг хүлээн авах бэлтгэлдээ орлоо. Энэ нь есдүгээр сарын 13-17-ны хооронд, дөрвөн өдөр зохиогдох бөгөөд БРИКС-ийн орнуудын хэвлэл мэдээллийнхний гол төлөөлөгчид оролцоно.

Дэлхийн өмнөд бүсийн орнууд Москвад болох үйл ажиллагааг сонирхож буй нь ердөө нэг зүйлийг хэлж байна. Тухайлбал, ОХУ нь гадаад түншүүдтэйгээ хүндлэл, итгэлцэлд үндэслэн харилцахад бэлэн байдаг учраас БРИКС-ын орнуудын хувьд найдвартай түнш болжээ. Өмнө нь Хотуудын VI форумд 6000 гаруй төлөөлөгч хүрэлцэн ирж оролцсон. Үүний 1133 гадаадын төлөөлөгчдийн 163 нь албаны, 88 нь олон улсын ашгийн бус байгууллагын төлөөлөл байсан. Мөн форумын бизнес уулзалт зохион байгуулагдаж, 2300 хүн оролцсон юм. Нийтдээ өнгөрсөн сард болсон тус форум 128 орны төлөөлөгч оролцсон байна.

Москва хотын Олон улсын харилцаа, гадаад эдийн засгийн асуудал эрхэлсэн газрын дарга Сергей Черемины хэлснээр форумын үеэр 300 гаруй гэрээ, хэлэлцээ байгуулагдсан байна.

“Ийм тооны гэрээ, хэлэлцээр байгуулагдана гэдэг бол хотууд өөр хоорондоо олон улсын харилцаатай байхыг хүсч байна гэсэн үг. Бүс нутгийн хөгжлийн чиглэлд хамтран ажиллах зорилгодоо бид хүрч, Москва хотын хөгжлийн төслүүд, ОХУ-ын бусад бүс нутгийн хөгжлийн төслүүд гадаадын түншүүдийнхээ сонирхлыг ихээхэн татлаа” хэмээн Сергей Черемин хэлсэн юм.

Москва болон БРИКС-ийн гол оролцогч орнууд болох БНХАУ, Энэтхэг харилцаа хамтын ажиллагаагаа бэхжүүлэхийн зэрэгцээ, шинэ гишүүн орнууд болох Египет, Арабын нэгдсэн Эмират, Этиоп зэрэг оронтой хамтын ажиллагаа идэвхжиж байна. Энэ жилийн форумын үеэр шинэ түншүүд болох Тегеран, Сан Паулу хотууд, мөн олон улсын санхүүгийн "AIM Global Foundation" зэрэг байгууллагатай шинээр хамтын ажиллагаа тогтоолоо.

Чухал зүйл: Глобал өмнөдийн олон улс хотжилтын үйл явцын асуудлаар, тэр дундаа ложистикийн шийдлийг оновчтой болгох, хотуудын нөөц, чадавхийг тоон технологиор удирдан зохион байгуулах зэрэг асуудалаар ОХУ-аас тусламж, зөвлөгөө хүсч байлаа. Хэдийгээр барууны зүгээс тавьсан эдийн засгийн хориг үргэлжилсээр байгаа ч БРИКС-ийн орнуудын худалдааны эргэлтийг нэмэгдүүлэх гэрээ, хэлэлцээрүүд форумын үеэр байгуулсан.

Ирэх есдүгээр сарын 13-17-нд Москва хотноо зохиогдох БРИКС-ийн Хэвлэл мэдээллийн саммитын тухайд “Prensa Latina” мэдээллийн агентлагийн ерөнхийлөгч Энрике Гонсалес Акоста хэлэхдээ гишүүн орны тоог нэмэгдүүлж, илүү олон улс орны хэвлэл мэдээллийн байгууллагыг хамруулах хэрэгтэй гэжээ. "Prensa Latina"-ийн төв байр нь Кубад байрладаг, Латин Америк, Карибын тэнгисийн орнуудад тэргүүлдэг мэдээллийн суваг юм. БРИКС-ийн Хэвлэл мэдээллийн саммитыг зохион байгуулж байгаа нь онцгой ач холбогдолтой бөгөөд энэ саммитаас их зүйлийг хүлээж байгаагаа Энрике Гонсалес Акоста хэлсэн юм.

“Энэ саммит нь БРИКС-ийн гишүүн орнуудын хэвлэл мэдээллийнхний оролцоог нэмэгдүүлэх зорилготой. Дэлхийн хүн амын 45 хувь, дэлхийн ДНБ-ий гуравны нэг нь БРИКС-д ногдож байна. Барууны хэвлэл мэдээллийн зүгээс бодит байдлыг гуйвуулахаар оролдож буй энэ төвөгтэй цаг үед хэвлэл мэдээллийнхний хамтын ажиллагааг өргөжүүлэх арга хэлбэр, хамтын ажиллагааны механизмуудын тухай харилцан ярилцах нь чухал байна” хэмээн Энрике Гонсалес Акоста хэллээ.

БРИКС-ийн Хэвлэл мэдээллийн саммит нь цагаа олсон, чухал арга хэмжээ болохын зэрэгцээ хөгжлийн тогтвортой байдал, цаашдын хамтын ажиллагааг бэхжүүлж, олон туйлт дэлхийг бий болгоход нэн ач холбогдолтой арга хэмжээ болохыг тэрбээр мөн онцолсон билээ.

О.ЦОГТ