Оросын нэрт зохиолч Лев Толстойн нэрэмжит шагналыг энхийг сахиулах үйлсэд оролцож, зэвсгийг эсэргүүцсэн, дайны аюулаас урьдчилан сэргийлсэн хүн, холбоодод олгодог. Энэ удаагийн шагнал гардуулах ёслол есдүгээр сарын 9-нд Москва хотын Большой театрт болж, өндөрлөсөн. Лев Толстойн энх тайвны нэрэмжит шагналыг шүүгчдийн зөвлөлийн дарга, дэлхийд алдартай удирдаач Валерий Гергиев гардуулжээ.

Африкийн холбоо уг шагналыг хүртсэн бөгөөд энх тайвныг сурталчилж, цөмийн аюулаас урьдчилан сэргийлсний үндсэн дээр зохих ёстой шагналаа хүртсэн гэж шүүгчид мэдэгдээд байна.

Энэтхэгийн засгийн газрын ажилтан асан, зохиолч Арчана Моули ёслолын үеэр үг хэлэхдээ"Дайныг үргэлж өдөөдөг зүйл бол эрх мэдлийн төлөөх хүсэл эрмэлзэл гэж би боддог. Мөн аль нэг улс орон, үндэстэн, нийгэм бие биеэ ноёрхохыг хүсэх үед дайн гарч ирдэг. Энэ нь санамсаргүй байдлаар тохиолддог зүйл биш юм. Энэ нь давамгайлах, эрх мэдлийн төлөөх хүсэл эрмэлзэл, заримдаа эдийн засгийн шалтгаантай. Миний бодлоор хүн төрөлхтний түүхэнд энх тайван хамгийн хэрэгтэй. Гэтэл одоо маш олон дэвшилтэт зэвсэг байгаа болохоор хүн төрөлхтөн аюулд орсон. Эрт дээр үед хүмүүс нум, жад, буугаар тулалддаг байсан. Харин одоо аливаа хүчирхийлэл, дайн, мөргөлдөөн нь өргөн хүрээтэй хор уршгийг авчраад байна" гэжээ.

Эх сурвалж: MEHR NEWS