"Яги" хар салхи Вьетнамын хойд хэсгийг дайрч, дөрвөн хүний амь эрсэджээ. Энэ оны Азийн хамгийн хүчтэй хар салхиар нэрлэгдээд буй "Яги" хар салхины хүч Вьетнамд 203 км/цаг хүрсэн байна. Хүчтэй салхинаас болж хог хаягдал хийсч, барилга байгууламж, машин техник эвдэрч, мод булгарчээ.

Хойд Куангнин мужид гурван хүн, Ханой хотын ойролцоох Хай Дуонг хотод нэг хүн нас барсан. Мөн бүс нутагт 80 орчим хүн шархадсан байна. Нийслэл Ханой болон үндэстэн дамнасан үйлдвэрүүд байрладаг Хай Фонг хотод хар салхины улмаас цахилгаан тасарчээ. Мөн хойд нутгийн дөрвөн нисэх онгоцны буудал үйл ажиллагаагаа түр зогсоосон. Вьетнамын эрэг орчмын хотуудаас 50 мянган хүнийг нүүлгэн шилжүүлж, 12 мужид сургуулиудыг хаасан байна.

Вьетнамын цаг уурын агентлагийн мэдээлснээр, Бямба гаригийн оройн 20:00 цагийн байдлаар шуурганы хүч 102 км/цаг байжээ.

"Яги" хар салхи Вьетнамд хүрэхээсээ өмнө Хайнань арлыг дайрсан бөгөөд гурван хүн нас барж, 100 орчим хүн шархаджээ. Мөн арлын 400 мянга орчим хүнийг нүүлгэн шилжүүлсэн байна. Ням гаригийн орой гэхэд хар салхи Лаосын хойд хэсэг рүү шилжих төлөвтэй байна.

A bicycle lays tangled in an uprooted tree after Super Typhoon Yagi hit Hai Phong on September 7, 2024. Super Typhoon Yagi uprooted thousands of trees and swept ships and boats out to sea as it made landfall in northern Vietnam on September 7, state media said. (Photo by NHAC NGUYEN / AFP)

In this photo released by Xinhua News Agency, an advertisement billboard lands on a road following the landfall of typhoon Yagi in Haikou, south China's Hainan Province, Friday, Sept. 6, 2024. (Yang Guanyu/Xinhua via AP)

Эх сурвалж: BBC