Боинг компанийн “Starliner” сансрын хөлөг анх зургадугаар сарын эхээр Олон улсын Сансрын станц руу хөөрсөн. Гэхдээ Баасан гаригийн орой Нью Мексикийн цөлд нисгэгчгүйгээр буцан ирж, газарджээ.  НАСА-гийн шууд дамжуулалтаар тус хөлөг ямар ч саадгүй эх дэлхийдээ буцаж ирснийг харж болно. “Starliner” хөлөг ойролцоогоор 27,400 км/цаг (17,025 миль) тойрог замын хурдтайгаар ET 23:00 цагийн орчимд дэлхийн агаар мандалд оржээ.

НАСА-гийн сансрын нисэгч Суни Уильямс, Батч Вилмор нар “Starliner”-ыг хөөргөсөнөөс долоо хоногийн дараа буюу зургадугаар сард эх дэлхийдээ буцаж ирэх ёстой байсан. Гэвч хөлгийн түлхэгч эвдэрч, гелий гоожсон нь буцаж ирэхэд нь саад учруулсан. Тэд бүтэн жилийн турш ОУСС-д үлдэх бөгөөд ирэх хоёрдугаар сард “SpaceX Dragon” сансрын хөлгөөр буцаж ирэх болно. НАСА-гийн эрдэмтэд Уильямс, Вилмор нарыг “Starliner” онгоцоор буцах нь хэтэрхий эрсдэлтэй гэж үзсэн тул нисгэгчдийг хүлээхийг уриалсан юм.
Боингийн анхны сансрын хөлөг саатал, бүтэлгүйтлээр дүүрэн аялалыг давж гарлаа. НАСА арав гаруй жилийн өмнөөс сансрын хөлөг бүтээхээ больсон тул Боинг болон “SpaceX”-ийг хөлсөлсөн байдаг. Боинг 2019 онд анхны туршилтын нислэгээ хийхдээ олон асуудалтай тулгарсан тул дахин туршилт явуулахаас өөр аргагүй болсон удаатай.

Эх сурвалж: GUARDIAN