Сонгинохайрхан дүүргийн 20 дугаар хорооны Таван шарын нүхэн гарцын ажлыг хийж гүйцэтгэж байна. Энэ ажлын хүрээнд Товчооны авто замыг хэсэгчлэн хааж, нүхэн гарцын гол авто замыг Товчооны замтай холбох ажлыг өчигдрийн 23:00 цагаас эхэлж хаалаа. Зам засварын ажлыг Мягмар гариг хүртэл буюу 10-ны 08:00 цаг хүртэл хаан гүйцэтгэх юм. Зам хаах хэсэгт газар шороо, борооны ус зайлуулах шугам, авто замын хучилт, авто замын хашлага, тэмдэг, тэмдэглэгээний ажил хийгдэх юм.

Тиймээс хөдөө орон нутгаас хот руу ирж буй болон тухайн замаар зорчих иргэд өөр зам сонгохыг анхааруулж байна.