Украины засгийн газар руу 2022 онд хийсэн кибер халдлагад оролцсон гэх Оросын зургаан компьютер хакерыг буруутгасан гэж АНУ-ын Хууль зүйн яам мэдэгдлээ. Тэдний тав нь Оросын Тагнуулын ерөнхий газар буюу ГРУ-ын цэргийн офицер байжээ. Орос Украин руу түрэмгийлэхээс өмнө эдгээр хакерууд Украины засгийн газрын компьютерийн системд халдах хуйвалдаан зохион байгуулсан аж.
Хакерууд “WhisperGate” гэгддэг вирустэй программыг тараасан бөгөөд энэ нь зорилтот компьютер болон холбогдох өгөгдлийг бүрэн устгах зорилготой кибер зэвсэг байсан гэж Хууль зүйн яам мэдэгдэв. Хакерууд вирустэй программаа тарааснаар нууц мэдээлэл цуглуулж, украинчуудад мэдэгдэл илгээжээ. Мөн нууц мэдээллийг худалдана гэж сүрдүүлсэн байна. Хууль зүйн яам мэдээлэхдээ, эдгээр хакерууд 2021 оноос эхлэн “NATO”-гийн орнуудад халдах төлөвлөгөө боловсруулж, хамгаалалт эмзэг засгийн газрыг вэб сайтуудыг онилж байжээ. Тиймээс АНУ холбоотон орнуудтайгаа хамтран эдгээр зургаан хакеруудад тохирох ялыг нь өгнө гэдгээ амлаад байна.

Эх сурвалж: BBC