2024 онд Монгол Улсын хэмжээнд 318.6 мянган га талбайд тариалалт хийснээс 220.8 мянган га–д буудай, 8.3 мянган га–д төмс,  52.9 мянган га–д техникийн ургамал, 7.2 мянган га талбайд хүнсний ногоо тус тус тариалссан. Энэ нь өмнөх оны мөн үеэс нийт тариалсан талбай 15.8%-аар буурсан байна. Үүнээс буудай тариалсан талбай 58.5 мянган га буюу 21%-аар буурсан байна.

Ургац хураалтын ажил эхэлж буй энэ үед тариаланчдын санаа зовсон нэг асуудал нь түлшний хомсдол юм. Салбарын сайд нарын мэдээлж байгаагаар энэ жил ургац хураалтын үеэр түлшний хомсдол нүүрлэхгүй гэнэ.

Есдүгээр сарын урьдчилсан мэдээгээр агаарын дундаж температур газар тариалан бүхий ихэнх нутгаар дунджийн орчим бол хур тунадасны хувьд зөвхөн эхний 10 хоногт ахиу орох төлөвтэй байна. Ус, цаг агаар, орчны мэдээ мэдээлэл (weather.gov.mn) Иймд есдүгээр сарын дунд үеэр хөрсөн дээр цочир хүйтрэх, цан хяруу унах зэргээр таримал ургамлын ургац хураалтанд таагүй нөлөөлж болзошгүй тул цаг агаарын богино болон дунд хугацааны мэдээг тухай бүрт авч ажиллах, эртнээс сэргийлж, хамгаалах арга хэмжээг цаг алдалгүй авч хэрэгжүүлэх шаардлагатай байна.