Парисын паралимпийн жүдо бөхийн барилдаанууд өнөөдөр/2024.09.06/ хоёр дахь өдрөө үргэлжилж байна. Тэмцээний хоёр дахь өдөр эмэгтэйчүүдийн -70 кг-ын J1 ангилалд Л.Туруунаа өрсөлдөв.

Өдгөө 36 настай тэрбээр эхний барилдаандаа Шведийн Николина Пернхеймд ялагдсан ч дагах барилдаанд Аргентины Надиа Божжиног ялж, хүрэл медалийн төлөө шалгарсан юм. Түүний ээлжит өрсөлдөгч нь Европын аварга, Грекийн туршлагатай тамирчин Теодора Пашалиду байв. Хоёр бөхийн барилдаанд Теодора Пашалиду илүүрхэж, хүрэл медалийн эзэн боллоо.

Ийнхүү Л.Туруунаа паралимпийн тавдугаар байр эзлэв.