Коперникийн Уур амьсгалын өөрчлөлтийн албаны мэдээлснээр 2024 оны зун дэлхийн түүхэн дэх хамгийн халуун зуны улирлаар бүртгэгджээ. Тухайлбал, 1991-2020 оны зуны улирлуудаас 1.54 хэмээр өндөр байсан бөгөөд Европ тивийн хувьд 2022 онд бүртгэгдсэн дээд үзүүлэлтээс хэд дахин халуун байжээ. Их Британийн хувьд 2015 оноос хойш зуны улирал сэрүүхэн байсан ч бусад улс орнуудын хувьд огцом халсан жил болсон.

Энэ он гарсаар дэлхийн дундаж температур 1991-2020 оны дунджаас 0.7 хэмээр өндөр байгаа нь түүхэн дэх хамгийн өндөр үзүүлэлт юм.

Энэ тоо ирэх жилүүдэд улам нэмэгдэх магадлалтай гэж Европын холбооны Цаг уурын алба мэдэгдэв. Тус байгууллагын дэд захирал Саманта Бургесс хэлэхдээ "Энэ зун хэт халсантай холбоотой цаг агаарын болон уур амьсгалын эрс тэс үзэгдлүүд их болсон" гэжээ. Австри, Испани, Финланд, Швейцарь зэрэг орон хамгийн халуун байсан бол Ирланд, Их Британи, Португалийн баруун хэсэг, Исланд, Норвегийн өмнөд хэсгээр сэрүүхэн байжээ.

Хүний үйл ажиллагаа нь дэлхийн температурын өсөлтийн хамгийн том шалтгаан байсан ч 2023 болон 2024 онд Эль Нино цаг агаарын үзэгдэл хамгийн их нөлөөлсөн. Энэ нь Номхон далайн зүүн хэсэгт 2023 оны зургадугаар сараас 2024 оны тавдугаар сар хүртэл ажиглагдсан. Тус хугацаанд далайн гадаргын өндөр температур агаар мандалд нөлөөлж, бүс нутаг даяар эрчимтэй халжээ.

Эх сурвалж: BBC