АНУ-ын ерөнхийлөгч Жо Байдены хүү Хантер Байден Пүрэв гаригт татвараас зайлсхийсэн хэрэгт гэм буруутай гэдгээ хүлээн зөвшөөрчээ. Тодруулбал, Холбооны татварын хэлтэс Хантер Байденг мансууруулах бодис, биеэ үнэлэгч зэрэгт их хэмжээний мөнгө үрж, 1.4 сая ам.долларын татвараас зайлсхийсэн гэж мэдэгдсэн. Үүний дараа Лос Анжелесын холбооны шүүх хэрэг нээн, шүүхээр төлөвлөжээ. Хантер Байденг найман зүйл ангид буруутгаж, 450 мянган ам.долларын торгуультайгаар 17 хүртэлх жилийн хорих ял өгөхөөр шүүгч Марк Скарси төлөвлөж байсан. Гэхдээ шүүгдэгч гэм буруутай гэдгээ хүлээн зөвшөөрөх юм бол прокурортой тохиролцож, бага ял авах боломжтой байдаг тул Хантер гэм буруугаа хүлээсэн байна.

Прокурорууд Хантер Байдены нэхэмжлэлийг эсэргүүцэж байгаа бөгөөд ял өгөхөөр ажиллаж байгаа юм. Түүний өмгөөлөгч Аббе Лоуэлл шүүгчид хэлэхдээ, “Хантер Байден гэмт хэрэг үйлдээгүй ч гэм буруугаа хүлээнэ. Заавал прокурортой тохиролцож бага ял оноох шаардлагагүй” гэсэн байна. Хантер Байдены хувьд гэр бүлийн гишүүдээ шүүх хуралд суулгаж, үнэт цагийг нь үрэн таран хийхгүйн тулд гэм буруутай гэдгээ хүлээн зөвшөөрч байна гэжээ. Мөн төлөөгүй байсан татвараа бүгдийг нь төлж барагдуулсан гэдгээ мэдэгджээ. Шүүх хурлын эцсийн хугацаа арванхоёрдугаар сард тул шүүгч Хантер Байденд хорих ял оноох эсэх нь тодорхойгүй байна.