Олон нийтийн цахим хуудаст Ерөнхий сайдын зөвлөх эмэгтэй хүнд гар хүрч байгаа бичлэг өчигдөр /2024.09.05/ нийтлэгдсэн. Тодруулбал, Ерөнхий сайдын залуучуудын асуудал хариуцсан зөвлөхөөр томилогдоод удаагүй байгаа артист Б.Гантулга тус ёс бус үйлдлийг гаргаж байгааг бичлэг хийсэн иргэн хэлсэн юм. Тэгвэл тус асуудлыг шалгаж эхэлсэн талаар цагдаагийн байгууллагаас тодруулахад, шалгаж байна гэх хариу өглөө.

Артист Б.Гантулга өөрөө одоогоор хариу тайлбар өгөөгүй бөгөөд, тус бичлэг дээрх этгээд түүнийг мөн болохыг олон хүн хэлж байгаа юм.

ЦЕГ-аас тодруулахад, Б.Гантулгад өмнө нь ийм төрлийн хэргийн бүртгэл үүсэж байгаагүй. Цахим нийтлэгдсэн бичлэгтэй холбоотойгоор өнөөдөр хянан, шалгах үйл ажиллагааны хүсэлтийг прокурор луу илгээсэн гэв.

Иргэд энэ ёс бус үйлдэлд хариуцлага заавал тооцох ёстойг мөн илэрхийлжээ.