Украинд олон тооны гадаадын цэргийн сургагч багш нар байгаа тул Орос үр дүнтэйгээр тэмцэх ажиллагаа явуулж байна гэж Дмитрий Песков Дорнын эдийн засгийн чуулга уулзалтын (EEF)  үеэр ярьжээ.

Тэрбээр "Украинд дэлхийн өнцөг булан бүрийн цэргийн сургагч багш нар байдгийг бид мэднэ. Тэд байлдааны ажиллагаанд оролцож, Украины цэргүүдийг сургахад чухал үүрэг гүйцэтгэж байна. Мөргөлдөөнд гадаадын улс орнууд оролцож байгаа нь гарцаагүй. Энэ бол мэдээ биш. Манай цэргүүд тэдний эсрэг тэмцэхэд үр дүнтэй ажиллагаа явуулж, зорилгодоо хүрч байна" гэжээ.

Түүний хэлснээр Орос цэргийн тусгай ажиллагааг амжилттай явуулж, Москвагийн эрх баригчдын тавьсан зорилгыг биелүүлэхэд тун ойрхон байгаа аж.

Үүний зэрэгцээ Киевийн дэглэмд ёс суртахуун байхгүй гэж тэрбээр нэмж тэмдэглэв. ОХУ-ын ерөнхийлөгчийн хэвлэлийн төлөөлөгч "Манай хүчнийхэн зөвхөн цэргүүдийн эсрэг ажиллаж байхад Украин манай иргэдийн байр, хороолол буюу иргэний объект руу ёс зүйгүйгээр дайрч байна. Тиймээс бид цаашдын дайралтаа улам нэмэгдүүлнэ" гэж мэдэгджээ.

Эх сурвалж: TASS