Реппер "50 Cent" саяхан ярилцлага өгөхдөө карьерынхаа туршид зөвхөн хуульчдад 24 сая ам.доллар зарцуулснаа ярьжээ. Дебют хийснээсээ хойш 20 жилийн турш асар их орлого олж буй реппер тоо томшгүй олон шүүх хуралд оролцсон байна. Тэрбээр өмгөөллийн төлбөрт жилдээ нэг сая ам.доллар зарцуулдаг аж.

"Хүмүүс намайг өдөөн хатгах тоолонд би хуульчдыг илгээдэг. Надад ерөнхий зөвлөх бий, менежер байхгүй. Надад менежер ямар хэрэг байх билээ дээ. Би хөгжмийн уран бүтээлчийн хувиар хэдэн зуун удаа гэрээ хийсэн. Тэд бүгдээрээ л хувь хүсдэг. Надаас хувь хүслээ гэж үү? Угтаа бол та биш би л үүнийг бүтээсэн шүү дээ" гэж тэр ярьжээ.

Түүний хуулийн нэхэмжлэхүүд өчүүхэн жижигээс эхлээд гайхалтай том хүртэл олон бий. Хамгийн сүүлийн жишээ гэвэл "Power 106" хамтлагийн дуучин Брихана Монегайн толгой руу нь микрофон шидсэн хэргээр "50 Cent"-ыг шүүхэд өгчээ. Гэхдээ "50 Cent" хуулийн маргаан бүхэнд одтой байдаггүй. Уулздаг байсан эмэгтэйтэйгээ хийсэн бичлэгээ зөвшөөрөлгүйгээр цахим орчинд цацсан хэргээр 2015 онд тэр таван сая ам.доллар төлсөн байна.

Эх сурвалж: ENTERTAINMENT