Нью-Йорк мужийн амбан захирагчийн туслах асан Линда Сун нь Хятадад төрсөн АНУ-ын иргэн юм. Түүнийг эрх баригчид Хятадын засгийн газрын нууц тагнуулаар ажилладаг гэж буруутгаж байна. Линда Сун мужийн амбан захирагч Кэти Хочулын туслахаар ажилладаг байсан ч өнгөрсөн жил/2023/ ёс зүйн алдаа гаргасан гэх үндэслэлээр ажлаасаа халагджээ.

Эрх баригчдын үзэж буйгаар Линда Сун Нью-Йорк мужийн засгийн газарт ажиллаж байхдаа Бээжингийн заавраар ажилладаг байсан.  Тэрбээр Тайваний төлөөлөгчдийг Нью-Йорк мужийн өндөр түвшний албан тушаалтнуудтай харилцахыг хориглох, Хятадын Коммунист намын чухал асуудлаарх албан тушаалтнуудын мессежийг өөрчлөх зэрэг "улс төрийн олон үйл ажиллагаа" явуулсан гэж буруутгажээ.

Эдгээр үйл ажиллагааныхаа хариуд Линда Сун их хэмжээний төлбөр болон бусад тэтгэмж авч, муж болон Хавайд үл хөдлөх хөрөнгө, янз бүрийн тансаг зэрэглэлийн машин худалдаж авсан эрх баригчид мэдэгджээ. Бруклины шүүх Мягмар гаригт Линда Суныг нөхөр Крис Хугийн хамт мөнгө луйвардсан гэх мэт хэд хэдэн хэрэгт шүүгдэгчээр татсан. Линда Суны хувьд эдгээр хэргүүдийг үйлдээгүй тул гэм буруугүй гэж мэдэгджээ.

Эх сурвалж: NHK JAPAN