Жоржиа мужийн ахлах сургуульд дөрвөн хүнийг буудаж, есөн хүнийг гэмтээсэн 14 настай хүүг хүн амины хэргээр яллах болжээ. Барроу мужийн Виндер хотын Апалачи ахлах сургуульд болсон халдлагын үеэр хоёр сурагч, хоёр багш амиа алдсан. Тус сургуулийн сурагч Колт Грейг сургалтын хотхонд хоёр цагдаа баривчлан авсан бөгөөд насанд хүрсэн хүний хувиар шүүхээр болжээ.

Өнгөрсөн жил тус сургуульд халдлага үйлдэхээр заналхийлсэн захидал цахим хаягт нь иржээ. Тухайн үед Холбооны мөрдөх товчоо тухайн захидлыг илгээсэн хүнтэй ярилцаж, баривчлаагүй үлдээсэн. Орон нутгийн цагдаагийн газар тухайн заналхийлсэн захидлыг Колт Грей илгээсэн байх магадлалтай гэж үзэж байна.

Орон нутгийн цагаар 10:20 орчимд 1900 гаруй сурагчтай сургуульд гэт этгээд галт нээсэн тухай мэдээллийг офицерууд авсан байна. Шериф Жүд Смит энэхүү халдлагыг "хүнд хэрэг" гэж тодорхойлсон. Тэрбээр хэлэхдээ  "Хэдэн минутын дотор хууль сахиулах байгууллага хэргийн газар, мөн сургуульд томилогдсон сургуулийн нөөцийн хоёр офицер гал зогсоох, иргэдийг хамгаалах гэж оролдож эхэлсэн. Гэмт хэрэгтэн тэр даруй бууж өгсөн. Тэр бууж өгөөд газар хэвтсэн. Тэгээд цагдаа нар түүнийг гавласан" гэв.

Тухайн гэмт этгээдэд ямар нэгэн сэдэл байгаа нь илрээгүй бөгөөд тодорхой онилсон бай байгаагүй. Холбооны мөрдөх товчооны мэдээлснээр Колт Грей өөрийн аавын ангын бууг хулгайлж, сургуульд халдлага хийжээ.

Эх сурвалж: BBC