Хятадаас Замын үүдэд суугаа Ерөнхий консулын газраас тойргийн аймгуудын малчдын төлөөллийг туршлага судлах аялалыг энэ сарын 12-16-ны өдрүүдэд зохион байгуулсан бөгөөд Дундговь аймгаас 9 малчин ӨМӨЗО-ны Шилийн гол аймагт туршлага судлах, айлчлалын хөтөлбөрт хамрагдлаа.

Аймгийн Засаг даргын Тамгын газрын Архивын тасгийн дарга Т.Уранбайгалиар ахлуулсан айлчлалын баг Шилийн гол аймгийн хөдөө аж ахуй, хүнсний болон сүү, сүүн бүтгээдэхүүний үйлдвэрлэл, биотехнологи, эдийн засаг худалдаа, орчин үеийн мал аж ахуйн машин механизм үйлдвэрлэгч компаниудын үйл ажиллагаатай танилцсан байна.

Мөн малчны гэрт зочилж, өвс тэжээл тээвэрлэх, хадгалах баазтай танилцах, адууны бүс нутгаар зочилохоос гадна Шилийн хотын Хөдөө аж ахуйн шинжлэх ухааны газрын удирдлага малчдыг хүлээн авч уулзалт зохион байгуулжээ.