ОХУ-ын арми Украины нийслэл Киев болон тус улсын бусад бүс нутагт Даваа гаригт нэгэн зэрэг халдлага үйлджээ. Халдлагад олон иргэний объектууд эвдэрсэн байна. Украины армийн мэдээлснээр 35 пуужин, 23 довтолгооны нисгэгчгүй онгоц Оросоос ирсэн. Өдрийн цагаар Киевт агаарын дайралтаас сэрэмжлүүлэх дохио хоёр цаг гаруй дугарсан аж.

Хотын захиргаанаас пуужингийн хог хаягдал хотын найман газраас олдсон бөгөөд гурван хүн шархадсан гэж мэдэгджээ. Мөн нэгэн сургуулийн уурын зуух дээр хог хаягдал унаж гал гарсан байна. “NHK” сувгийн багын гишүүд хана, дээвэр их хэмжээгээр нурсан байхыг харсан бөгөөд хог хаягдлыг цэвэрлэж буй хүмүүс өдрийн 14:00 цагаас хойш ажиллаж байна гэж мэдээллээ.

Мөн пуужингийн хаягдал метроны буудлын ойролцоо унасан бөгөөд станцын цонх хагарчээ. Ойролцоох олон дэлгүүр пуужингийн цохилтод сүйдсэн байна. Талх нарийн боовны газрын тааз нурж, цахилгаан тасарсан. Энэ нь дэлгүүрийн цаашдын бизнес эрхлэхэд хүндрэл учруулна гэж хотын захиргаа мэдээлсэн байна. Орос сүүлийн өдрүүдэд Киев болон зэргэлдээх нутгуудад дайралтаа эрчимжүүлж байгаа нь Украины тусгаар байдал ганхах эрсдэлтэй гэж шинжээчид мэдэгдлээ.

Эх сурвалж: NHK