Конго улсын нийслэл Киншаса дахь Макала шоронгоос олон тооны хоригдол оргохыг завдсанаар үймээн үүсч, 129 хүн амиа алджээ. Хүмүүсийн дийлэнх нь шахцалдаан, эмх замбараагүйтлээс болж амиа алдсан байна. "Макала шоронгоос зугтахыг завдсан 24 хоригдол анхааруулах суманд буудуулж нас барсныг урьдчилсан дүгнэлтээр тогтоолоо" гэж Конго улсын Дотоод хэргийн сайд Жакмин Шабани Даваа гаригт мэдэгджээ.

Оршин суугчдын мэдэгдсэнээр Ням гаригийн шөнө дундаас Даваа гаригийн өглөө хүртэл шоронд буун дуу сонсогджээ.

Тус улсын гол шорон болох Макала нь 1500 хүний багтаамжтай. Гэвч энд өдгөө 12 мянга гаруй хоригдол хоригдож байгаагийн дийлэнх нь шүүх хурлаа хүлээж байгаа аж. Тус хорих ангид өмнө нь хоригдлууд оргосон тохиолдол гарч байжээ. Тодруулбал, 2017 онд шашны бүлэглэл шорон руу халдаж, хэд хэдэн хоригдлыг суллаж байв.

Эх сурвалж: JAPAN TODAY