Улс орнууд паралимпын медальтнуудаа хэрхэн урамшуулдаг вэ?

Парисын паралимп ид үргэлжилж, одоогоор Монгол Улс нэг алт, хоёр мөнгөн медальтай хүртэн, түүхэн амжилтаа үзүүлж байна. Анх удаагаа монгол орон даяар паралимпын наадмыг шууд дамжуулж, олимптой адил анхаарал хандуулж байгаад олон хүн олзуурхаж буй. Төр засгаас ч паралимпын тамирчдыг олимпийн тамирчидтай адил урамшуулдаг нь магтууштай. Гэтэл зарим улс орнууд олимп, паралимпын тамирчдадаа тун ялгаатай ханддаг гэнэ. Жишээлбэл, Хонг Конгийн тамирчид олимпоос алтан медаль хүртвэл ойролцоогоор 770 мянган ам.долларын урамшуулал хүртдэг бол паралимпоос алтан медаль хүртвэл ойролцоогоор 192,369 ам.долларын урамшуулал хүртдэг аж. Олимпийн алтан медальтны урамшууллын дөрөвний нэг буюу 25 хувь л гэсэн үг.

Харин Сингапур олимпийн алтан медальд 765,184 мянган ам.доллар амладаг бол паралимпын алтан медальд 382,000 ам.долларын урамшуулал олгодог. Хоёр дахин бага урамшуулал.

Гэтэл зарим улс орнууд олимп, паралимпын тамирчдаа адилхан урамшуулж эхлэв. Канад л гэхэд энэ жилээс эхлэн паралимпын тамирчдаа олимптой адил урамшуулдаг болжээ. Алтан медальд 20 мянган канад доллар, мөнгөн медальд 15 мянган канад доллар, хүрэл медаль 10 мянган канад доллар өгдөг.

Малайз 2016 оноос, Австрали 2021 оноос эхлэн олимп, паралимпын тамирчдаа адилхан урамшуулдаг болжээ.

Наадмыг зохион байгуулагч Франц улс паралимпын тамирчдадаа анхаарал хандуулж, 2017-2023 оны хооронд төсвийг нь 250 хувиар нэмэгдүүлжээ. Мөн урамшууллын мөнгөө өсгөсөн аж. Токиогийн паралимпоос алтан медаль хүртсэн тамирчин 65 мянган евро хүртсэн бол Парисын паралимпоос алтан медаль хүртвэл 80 мянган еврог хүртэх гэнэ. Мөн дасгалжуулагч нар ч энэ хэмжээний мөнгөн урамшуулал хүртэх учиртай.

Ингээд та бүхэндээ улс орнууд паралимпын медальтнуудаа хэрхэн урамшуулдаг талаарх мэдээллийг дэлгэрэнгүй хүргэе.


Улс	Алт	Мөнгө	Хүрэл
Сингапур	$380,000	$230,000	$115,000
Израиль	$273,000	$192,000	$137,000
Малайз	$230,000	$70,000	$23,000
Хонг Конг	$192,000	$96,000	$48,000
Испани	$105,000	$54,000	$34,000
Франц	$89,000	$45,000	$22,000
Бразил	$45,000	$18,000	$9,000
Өмнөд Солонгос	$47,000	$26,000	$14,000
АНУ	$38,000	$23,000	$15,000
Герман	$22,000	$17,000	$11,000
Япон	$21,000	$14,000	$7,000
Канад	$15,000	$11,000	$7,000
Австрали	$13,000	$10,000	$7,000

Монгол Улсын тухайд паралимпоос медаль хүртвэл нэг удаагийн болон сар бүрийн мөнгөн урамшуулал олгодог.

Нэг удаагийн урамшууллын хувьд,

Алтан медаль – 120 сая төгрөг
Мөнгөн медаль – 60 сая төгрөг
Хүрэл медаль – 30 сая төгрөг

Сар бүрийн урамшууллын тухайд,

Алтан медаль – 4 сая төгрөг
Мөнгөн медаль – 3 сая төгрөг
Хүрэл медаль – 2 сая төгрөг

Дашрамд дурдахад, паралимпийн тамирчид төрөөс хамгийн өндөр урамшууллын хүртдэг.

Одоогоор дараах арван тамирчин хамгийн өндөр урамшууллыг хүртэж байна.

Э.СОДНОМПИЛЖЭЭ/ПАУЭРЛИФТИНГ/ – 10 САЯ ТӨГРӨГ

Амжилт: Токио 2020 паралимп – алт, Рио де Жанейро 2016 паралимп – хүрэл, Нур Султан 2019 ДАШТ – алт, Мехико 2017 ДАШТ – мөнгө, Тбилиси 2021 ДАШТ – мөнгө

Г.БОЛОР-ЭРДЭНЭ/ТАЕКВОНДО/ – 8 САЯ ТӨГРӨГ

Амжилт: Москва 2014 ДАШТ – алт, Самсун 2017 ДАШТ – алт, Лондон 2017 ДАШТ – алт, Анталья 2019 ДАШТ – алт

Г.Болор-Эрдэнэ Парисын паралимпоос мөнгөн медаль хүртсэн учир дахин гурван сая төгрөгний урамшуулал авахаар болсон. Ингэснээр тэрбээр сардаа 11 сая төгрөгийн урамшуулал авахаар болж байна.