Тайванийн шүүхээс тус улсын гурав дахь том намын даргыг суллах тушаал гаргалаа. Ардын намын дарга Ко Вэн Жи болон түүний орлогч асанг өнгөрсөн Бямба гаригт авлигын хэргээр сэжиглэн баривчилсан байсан юм. Прокурорын үзэж буйгаар Ко 2020 онд худалдааны төвийн талбайг тухайн байгууламжийн эзний хүсэлтээр хууль бусаар томруулсан аж. Тухайн үед тэрбээр Тайпэй хотын даргаар ажиллаж байжээ.

Тайпэй хотын шүүх Даваа гаригт дүүргийн прокурорууд хангалттай нотлох баримт өгөөгүй гэж дүгнэж, суллах шийдвэр гаргасан байна. Харин прокурорууд түүнийг үргэлжлүүлэн хорих хүсэлт гаргасан. Шүүхийн хувьд Когийн орлогч асанг үргэлжлүүлэн хорих хүсэлтийг зөвшөөрсөн байна.

Суллагдсаныхаа дараа Ко хэлэхдээ, эрх баригчид гар утсыг нь булаан авч, зохиомол хэрэгт хүчээр буруутгасан байсан гэв. Мөн хоёр өдрийн хугацаанд болсон мөрдөн байцаалт туйлын дарамттай байсан гэж дэмжигчдэдээ хэлжээ. Түүний нам энэ хэргийн үр дүнд эрх баригч Ардчилсан дэвшилтэт нам, гол сөрөг хүчин Гоминдан намаас илүү иргэдийн дэмжлэгийг авах болсон байна.

Эх сурвалж: NHK