Шаншань хэмээх халуун орны шуурга Японы зүүн газар нутаг руу аажмаар чиглэн, хур тунадас их хэмжээгээр орж байна. Цаг уурын агентлагийн мэдээлснээр Бямба гаригийн шөнө Токай, Канто-Кошин, Токио хотод аадар бороо орж болзошгүй байна. Мөн 18:00 цагийн байдлаар Шиономисаки хошуунаас зүүн өмнө зүгт Шаншан хар салхи 100 километрийн зайд цагт 15 километрийн хурдтайгаар хөдөлж буй.

Хэрэв шуурга цагт 65 км- 90 км хүртэл байвал хүчтэй хар салхи үүсэх нөхцөл байдал үүснэ. Японы баруун болон зүүн хэсгээр бороо хэдэн цагийн турш үргэлжилсээр байгаа нь шуурганы хурд багатай байгаатай холбоотой юм. Токай, Канто, Кюүшюгийн бүс нутгийн зарим хэсэгт 48 цагийн дотор 400 миллиметрээс илүү хур тунадас орж, рекорд тогтоосон байна. Ням гарагийн орой хүртэл 24 цагийн турш Токайд 400 миллиметр, Канто-Кошинд 300 миллиметр, Кинкид 200 миллиметр хур тунадас орох төлөвтэй байгаа аж.

Шаншан нь дор хаяж зургаан хүний ​​​​аминд хүрсэн. Японы эргэн тойронд 120 гаруй хүн шархадсан байна. Хэд хэдэн мужууд хөрсний гулгалтаас сэрэмжлүүлжээ.

Токио, Осака хоёрыг холбосон "Tokaido Shinkansen" компанийн оператор Мишима, Нагоя өртөө хоорондын галт тэрэгний бүх үйлчилгээг Бямба, Ням гаригт түр зогсоолоо. Борооны хэмжээнээс хамааран бусад хэсгүүдийн галт тэрэгний хөдөлгөөнийг түр зогсоож магадгүй гэж оператор мэдээлэв. Осака, Фүкүока хоёрыг холбосон "Sanyo Shinkansen" нь үйлчилгээ багатай ажиллаж байна. "All Nippon Airways", "Japan Airlines" зэрэг томоохон агаарын тээврийн компаниуд Кюүшю, Чугоку, Шикоку бүс нутгийн нисэх буудлууд руу болон буцах олон арван нислэгээ цуцалжээ. Мөн улс даяар зарим хурдны замыг хаасан байна. Удаан хугацаагаар замын хөдөлгөөнийг хязгаарлаж болзошгүй тул тээврийн хэрэгслийн жолооч нар цагийн хуваариа өөрчлөх, хамгийн сүүлийн үеийн замын мэдээллийг шалгахыг хурдны замын операторууд уриалж байна.

Эх сурвалж: NHK JAPAN