Ньюс агентлаг өнгөрч буй долоо хоногийн онцлох үйл явдлуудыг тоймлон хүргэж байна.

Т.МӨНХСАЙХАН: ЭМДС 218 ТЭРБУМЫН АВЛАГАТАЙ

ЭМ-ийн сайд Т.МӨНХСАЙХАН:

-Улсын болон хувийн хэвшлийн эрүүл мэндийн бүх байгууллага Эрүүл мэндийн даатгалын ерөнхий газартай гэрээ байгуулж ажилладаг. Энэ жил нийт хэдэн төгрөгт багтсан, хэдэн төрлийн тусламж үйлчилгээ үзүүлнэ гэх заалттай гэрээ хийдэг гэсэн үг. Тэр дүн нь хэтэрсэн байгууллагуудад мэдэгдэл хүргүүлсэн. Тус мэдэгдэлд, гэрээний дүн чинь хэтэрсэн шүү гэсэн. Түүнээс санхүүжилтийг бүрэн зогсоосон гэдэг ташаа. Мэдэгдэх нь зүйн хэрэг.

Дэлгэрэнгүйг энд дарж уншина уу.

БОДЛОГЫН АЛДААТАЙ ШИЙДВЭРИЙН ТӨЛӨӨСИЙГ ИРГЭД ТӨЛНӨ

Эдийн засаг нь дан ганц уул уурхайн салбараас хэт хамааралтай Монгол Улсыг эдийн засгийн савалгаа, төсвийн эрсдэл, хүндэрлээс хамгаалах зохицуулалт хийсэн онцгой ач холбогдолтой хууль бол 2010 онд батлагдсан Төсвийн тогтвортой байдлын тухай хууль юм. Уг хуулийн тусгай шаардлагууд одоогоос арван жилийн өмнө буюу 2014 оноос хэрэгжиж эхэлсэн байдаг. Төсвийн тогтвортой байдлын тухай хуульд 4 тусгай шаардлагад Нэгдсэн төсвийн орлогыг тэнцвэржүүлсэн журмаар буюу уул уурхайн үнийн хэлбэлзлээс хамгаалах, төсвийн алдагдлын хэмжээг ДНБ-ийн хоёр хувиас хэтрүүлэхгүй байх, төсвийн нийт зардлын өсөлтийг уул уурхайн бус ДНБ-ийн өсөлтийн хувиас хэтрүүлэхгүй байх, Засгийн газрын өрийг ДНБ-ийн 60 хувиас хэтрүүлэхгүй барих шалгуурыг тодотгож өгсөн. Энэ 4 шалгуур бол уг хуулийн амин сүнс нь юм.

Дэлгэрэнгүйг энд дарж уншина уу.

ЧУУЛГАНДАА СУУДАГГҮЙ ЗАСГИЙН ГАЗРЫН ГИШҮҮД БАНГА ХҮРТЭВ

УИХ-ын ээлжит бус чуулганаар өнөөдөр /2024.08.27/-нд “Монгол Улсын Засгийн газрын 2024-2028 оны үйл ажиллагааны хөтөлбөр батлах тухай” Улсын Их Хурлын тогтоолын төсөл /Засгийн газар 2024.08.12-ны өдөр өргөн мэдүүлсэн, эцсийн хэлэлцүүлэг/-ийг хийж байна. УИХ-ын чуулганы хуралдаанд мөрийн хөтөлбөрөө хэлэлцүүлэн батлуулах хамгийн гол үүрэгтэй Засгийн газрын гишүүд чуулганы хуралдаандаа суухгүй байгаас үүдэн гишүүд бухимдлаа илэрхийлэв.

Засгийн газрын гишүүд нь Засгийн газрын ирэх дөрвөн жилд хийж хэрэгжүүлэх ажлынхаа талаарх асуултад хариулт өгөхгүй юм бол бид энд цаг заваа үрж, жүжиг тавин суух шаардлага байхгүй гэх байр суурь илэрхийлэх гишүүд ч байв. Тухайлбал, УИХ-ын гишүүн Г.Дамдинням “Засгийн газрын сайд нар төсвөө батлуулахдаа гуйж батлуулчихаад, гүйцэтгэлийг нь хэлэлцэх болохоор зугатаж алга болчихоод энд, тэндээс хэрүүл хийдгээ боль.  Ажил хийж байгаа юм бол хариуцлагаа үүр. Хариулах хүн байхгүй байхад асуулт, асууж жүжиг тоглож цагаа үрээд суух ямар хэрэгтэй юм. Ямар ч утгагүй юм.

Дэлгэрэнгүйг энд дарж уншина уу.

САНГИЙН САЙДЫН ДАБЛЬ СТАНДАРТ!

Л.Оюун-Эрдэнийн сангийн авдрыг хоёронтаа сахиж суугаа Б.Жавхланд анд нөхөд нь ам муутай байх болсон. Өмнөх парламентын үед Ц.Даваасүрэн түүнийг Сангийн сайдаас нь огцруулах шаардлага хүргүүлж байсан агаад "Төрийн сан, төрийн банк болгонд Б.Жавхлан гар дүрэх болсон" хэмээн буруутгаж байлаа.  ЖДҮ, Хөгжлийн банкнаас, төрийн сангуудаас хамаарал бүхий компаниудаараа зээл авч, "Жет финанс" банк бусаараа угаасан гэх мэдэгдэл хүртэл хийсэн. Ц.Даваасүрэнгийн хувьд  ашиг сонирхлоо гүйцэлдүүлэхийн тулд Сангийн сайдын сул тал дээр тоглолт хийсэн. Тэгвэл өнөөдөр тэдний нэг нь УИХ дахь Төсвийн байнгын хороог ахлаж, нөгөө нь Сангийн сайдын албан тушаалаа үргэлжлүүлэн хашч буй юм. Ц.Даваасүрэнгийн амыг албан тушаал, ашиг сонирхлоор нь хаасан ч Б.Жавхлангийн дараагийн дайсан нь хэдийнэ тодорсон. Хуучин засагт Хууль зүй, дотоод хэргийн сайдаар 10 сар ажилласан Б.Энхбаяр албан тушаалгүй үлдсэндээ ч тэр үү, Ардын намынхандаа ч гомдсон уу ааш муутай байх болсон. Тиймдээ ч намын нөхдийнхөө "улыг" ухаж, УИХ-ын чуулган дээр ил тод шүүмжлэх болсон юм.

Дэлгэрэнгүйг энд дарж уншина уу.

"ТӨРИЙН ГАР ХҮРСЭН ЮМ БҮР ДАМПУУРДАГ"

-Хамтарсан Засгийн газар байгуулагдаад байгаа. Та сөрөг хүчний үүргийг гүйцэтгэнэ гэдгээ мэдэгдсэн. Тэгвэл төсөв хөрөнгө баталж байгаа энэ үед та сөрөг хүчнийхээ үүргийг хэр сайн гүйцэтгэсэн гэж бодож байна вэ?

-УИХ-ын ээлжит бус чуулганаар хоёр чухал асуудал орсон. Нэг нь Засгийн газрын ирэх дөрвөн жилийн үйл ажиллагааны хөтөлбөр, хоёрдугаарт түүнтэй холбоотойгоор төсвийн тодотгол, Төсвийн тогтвортой байдлын тухай хууль. Өнгөрсөн чуулганаар болсон үйл явдал дээр дүгнэлт хийхэд Үндсэн хуулиар олгогдсон парламентын дархлаа байж чадсан уу?  гэдгийг заавал харах хэрэгтэй. Яг үнэндээ Засгийн газрын санаачилгын аливаа хуулийг үг дуугүй кнопдож дардаг хэв шинж сүүлийн найман жил тогтсон. Парламентын дархлаагаа хамгаалах санаа зорилготой гишүүд байгаа нь харьцангуй сайшаалтай. Гэхдээ эцсийн дүндээ бүлэг нь хаалттай хуралдаад л ёсчлон биелүүлдэг хэвээрээ байна.

Дэлгэрэнгүйг энд дарж уншина уу.

ОРОСЫН ХАКЕРУУД МОНГОЛЫН ЗАСГИЙН ГАЗРЫН ВЭБСАЙТЫГ ХАКЕРДСАН ГЭВ

"Google" компанийн "Threat Analysis Group"-ийн мэдээлснээр Монголын Засгийн газрын зарим вэбсайтад 2023 оны арваннэгдүгээр сараас 2024 оны долдугаар сарын хооронд гаднын орноос цахим халдлага үйлдэн, нэвтэрсэн хэрэглэгчдийн мэдээллийг хулгайлах код суурилуулсан байсныг тогтоосон байна.

Тухайлбал, Засгийн газрын хэрэг эрхлэх газрын "cabinet.gov.mn" болон Гадаад харилцааны яамны "mfa.gov.mn" вэбсайтад "iPhone" эсвэл "Android" үйлдлийн системтэй төхөөрөмжөөс нэвтэрсэн хэрэглэгчдийн Google Chrome вэб хөтчид хадгалагдсан нууц үг, вэб түүх, хадгалагдсан кредит картын мэдээлэл, cookie гэх мэдээллийг хулгайлах код суурилуулсан байна.

Дэлгэрэнгүйг энд дарж уншина уу.