Израилийн Хайфагийн их сургуулийн Хэхт музейд байсан хүрэл зэвсгийн сүүл үед хамаарах ваарыг дөрвөн настай хүү өнгөрсөн долоо хоногт санаандгүй хагалсан. 3500 жилийн настай уг олдворыг Израилийн төв хэсэгт орших Самарид малтлагын үеэр олж илрүүлж байжээ. Музейд 35 жил хадгалагдсан уг ваар нь Давид, Соломон хааны үеэс өмнөх үед хамаарах аж. Тухайн цаг үедээ дарс, чидун жимсний тос зэргийг хадгалах, тээвэрлэх зориулалттай байсан.

Ваар хагарснаас хойш яг долоо хоногийн дараа хүү музейн захирал доктор Инбал Ривлиний урилгаар эргэн иржээ. Музейн захирал хүүг сэргээн засварлах ажлыг харж, оролцохыг урьсан байна.

Тэрбээр "Хүүхэд болон түүний гэр бүлийг музейд ямар ч шийтгэлгүйгээр буцаж ирэх боломж олгов. Нөгөөтэйгүүр, энэ шийдвэрийг буруу гэж үзэж, тэдэнд шийтгэл, зэмлэл оноох ёстой байсан гэж үзэх хүмүүс ч байна. Сониуч зангаасаа болж 3500 жилийн түүхийг сүйрүүлсэн хүүхдийн үйлдэл инээдэм биш ч гэлээ бид музейн талаарх олон нийтийн сонирхлыг, тэдний нийгэм дэх гол үүрэг, ач холбогдлыг үргэлжлүүлэн хөгжүүлсээр байгаадаа бахархаж байна" гэжээ.

Эх сурвалж: SKY NEWS