АНУ-ын ерөнхийлөгч асан Дональд Трампийн "Save America" ном ирэх долоо хоногт хэвлэгдэнэ. Тэрбээр энэ номдоо 2020 оны сонгуулиар "Фэйсбүүк"-ийг өөрийнх нь эсрэг ажиллуулсан гэж Марк Зукербергийг буруутгажээ. Мөн энэ удаагийн сонгуульд "Фэйсбүүк" хөндлөнгөөс оролцвол Марк Зукербергийн үлдсэн амьдралыг шоронд өнгөрүүлнэ гэж анхааруулсан байна.

2020 онд АНУ-ын ерөнхийлөгчийн сонгуулийн кампанит ажлын үеэр "Мета" компани сонгуулийн луйвартай холбоотой сурталчилгааг хориглож, “Хулгайг зогсоо” зэрэг группыг хаасан байна. Мөн Капитол хиллийн бослогын дараа Дональд Трампийг блоклосон ч хоёр өдрийн дараа эргэн ирэхийг нь зөвшөөрсөн.

Марк Зукербергийн хувьд 2024 оны сонгуулийн үеэр ямар ч мөнгө хандивлахгүй гэж мэдэгджээ. Тэрбээр төвийг сахиж, аль нэг талд орохгүй байхыг зорьж байна. Түүнчлэн Байдены засаг захиргаа Covid-19-ийн талаар худал мэдээллийг тархаахгүйн тулд "Фэйсбүүк"-ийг удаа дараа шахамдуулсан гэж Зукерберг мэдэгдсэн юм. Платформ дээрх аливаа агуулгыг цензурдах нь буруу гэж тэр үзэж байна.

Эх сурвалж: THE TELEGRAPH