Бүгд Найрамдах намын нэр дэвшигч Дональд Трамп үр шилжүүлэн суулгах зардлыг даатгал болон засгийн газраас даах ёстой гэж мэдэгджээ. Мөн Трамп ерөнхийлөгчийн суудалд суух бол зардлыг даалгах хуулийн заалт гаргана гэж мэдэгджээ.

Трамп өнгөрсөн Пүрэв гаригт "NBC News" агентлагт хэлэхдээ "Би үргэлж үр шилжүүлэн суулгах тал дээр иргэдтэй санаа бодол нэг байсан. Миний удирдлага дор засгийн газар үр шилжүүлэн суулгах төсөв баталж, улсаас зардлыг даах болно" гэжээ. Үр шилжүүлэн суулгах процесс нь нэг удаагийн 20 мянган ам.доллароос эхэлдэг бөгөөд даатгалаар хөнгөлөх тохиолдол бага байдаг.

Бүгд Найрамдах нам зарим мужуудад үр хөндөлтийн эсрэг хууль баталсан байдаг нь Трампийн амлалттай харшиж байна. Үүнийг Ардчилсан намын гишүүд буруутгаж, Дональд Трамп хэзээ ч амлалтдаа хүрч чадахгүй гэжээ. Ардчилсан намын нэр дэвшигч Камала Харрисын кампанит багийн хэвлэлийн төлөөлөгч АНУ-ын Дээд шүүх болон Бүгд Найрамдах намын санаачилсан үр хөндөлтийн эсрэг хуулийг иш татан "1973 үр хөндөх эрхийг хассан тохиолдлын дагуу Бүгд Найрамдах нам эмэгтэйчүүдийн эрхийг боож буй. Тиймээс Дональд Трамп болон түүний нам үр шилжүүлэн суулгах хуулийн заалтыг буруугаар ашиглах болно" гэжээ.

Эх сурвалж: BBC