Ажиллаж, амьдрахад хамгийн таатай газрыг сонгохдоо статистик үзүүлэлт, мэдээ мэдээлэл гэхээс илүү тухайн газарт иргэд нь өдөр тутамдаа хэрхэн аж төрдөг гэдгийг нь харах хэрэгтэй. Мөн боломж бололцоо, эрх чөлөөтэй байж чадах эсэхээс ихээхэн хамаардаг.

Тэгвэл ОХУ-ын ерөнхийлөгч Владимир Путин саяхан Орос сэтгэлгээтэй, уламжлалыг нь сонирхдог гадаадын иргэдэд түр оршин суух хүсэлт олгох зарлигт гарын үсэг зуржээ.

Дэлхий дахинд түрэмгийлэгч орон гэхээс илүү ноёрхлоо тогтоосон ерөнхийлөгчтэй орны хувьд эдийн засаг, хүн амаа сайжруулахын тулд гадаад хүмүүсийг эх орондоо байлгах хүсэлтэй байгаа аж. Гэхдээ Орост амьдрал эрх чөлөөний орон гэж хэлэгддэг байсан АНУ-ын амьдралтай хэр төстэй бол? Орост гадаад иргэд нүүн очоод, сайхан амьдрах болов уу? Эсвэл бүр дордуулах уу гэдгийг "Stars Insider" статистик үзүүлэлтээр харьцуулан нийтэлжээ.

НҮБ-аас 2024 онд гаргасан Дэлхийн аз жаргалын тайланд америкчууд нийгмийн дэмжлэг, эрх чөлөө зэрэг олон хүчин зүйлээр Оросуудаас хамаагүй илүү аз жаргалтай байна гэж тэмдэглэжээ. АНУ 143 орноос 23-т жагссан бол Орос дөнгөж 72-т жагсжээ. Хүн амын нягтралын хувьд Орос илүү давуу талтай.

Тодруулбал, Орос нь дэлхийн хамгийн том улс төдийгүй одоогийн хүн амын нягтрал нь хавтгай дөрвөлжин миль/ 1 миль 1.609344 километртэй тэнцүү/ тутамд 21 хүн гэж тооцоологдсон байна. АНУ-ын хувьд нэг хавтгай дөрвөлжин миль тутамд 91 хүн байдаг аж.

Нарлаг улирал, наран шарлагын газар, цаст уулс зэрэг бүгд АНУ-д бий. Өргөн уудам нутаг дэвсгэртэй Орос мөн адил олон янзын уур амьсгалтай ч хатуу ширүүн Сибирийн өвөл нь дулаан газарт байх дуртай хүмүүсийн сонирхол биш. Тиймээс зөөлөн уур амьсгалтай газар очих сонирхолтой хүмүүс АНУ-д аялах нь элбэг. Мэдээж хэрэг аялах , амьдрах сонирхолтой хүмүүсийн хувьд орлого нэн тэргүүнд анхаарах сэдэв болно. АНУ-ын хувьд сарын дундаж орлогын хэмжээ 4482 ам.доллар бол Орост ердөө 806 ам.доллар юм. Хэдийгээр АНУ-ын дундаж цалин зарим орнуудтай харьцуулахад харьцангуй сайн ч амьжиргааны өртөг өндөр юм.

АНУ-д хотын төвд нэг өрөө байрны сарын түрээсийн үнэ ойролцоогоор 1763 ам.доллар байдаг бол оросууд ердөө 405 ам.доллар төлдөг.

Оросууд бараа, үйлчилгээний үнэ АНУ-тай харьцуулахад хамаагүй хямд. Дунд зэргийн үнэтэй лонх дарс авахын тулд оросууд ойролцоогоор 5.56 ам.доллар төлдөг бол америкчууд 15.66 ам.доллар төлөх шаардлагатай байдаг. Улс тус бүрийн сарын дундаж цалинг харгалзан үзвэл Орос, АНУ-ын такси үйлчилгээ орлого сайтай. АНУ-ын оршин суугчид өдрийн цалингаараа 84 км явах боломжтой байдаг бол оросууд 81 км явах боломжтой байдаг юм байна. Мөн оросын нийтийн тээвэр АНУ-аас хамаагүй сайн байдаг гэх үзүүлэлт гарчээ.

Москва хотод нийтийн тээврээр нэг удаа зорчих зардал ойролцоогоор 0,71 ам.доллар байдаг бол Вашингтонд 4,50 ам.доллар төлнө.

Гэхдээ эдгээр тоо нь зөвхөн статистик үзүүлэлт бөгөөд долларын ханш рублиэс хамаагүй үнэтэй. Америкчууд Орост худалдан авалт хийх бол нэг ам.доллароор нэг рубльтэй харьцуулахад хамаагүй их зүйлсийг худалдан авах юм. Амьдарч, ажиллахад мөнгө чухал хэдий ч сонгосон газраасаа тайван байдал мэдэрч чадах нь илүү чухал билээ.

Хүйсийн эрх тэгш байдал нь улс орны аз жаргалд чухал нөлөө үзүүлдэг. АНУ-ын Төлөөлөгчдийн танхимын 435 гишүүнээс 128 нь эмэгтэй байгаа нь өнгөрсөн хугацаатай харьцуулахад хамаагүй олон юм. Харин Оросын Төрийн Думын 450 гишүүний 100 нь эмэгтэй байдаг. Тус улсад гэр бүлийн хүчирхийллийн эсрэг хууль тогтоомж байдаггүй бол АНУ-д байдаг. Гэхдээ Орос 2017 онд гэр бүлийн олон төрлийн хүчирхийллийг нарийвчлан шийдвэрлэх хууль гаргахаас илүү "үйлдэхгүй байх" хууль гаргажээ.

Энэ нь зөвхөн гэр бүлийн хүчирхийллийг хориглоно гэсэн үг юм.

АНУ-д баярын өдрүүдэд цалинтай амралт олгодоггүй. Харин Орост жил бүр 14 хоногийн цалинтай амралт болгон хэрэгжүүлэх хуультай аж. Гэхдээ Орост эрүүл мэндийн тусламж үйлчилгээний чанар АНУ-аас муу.

Тухайлбал, Орос улс иргэддээ бүх нийтийн эрүүл мэндийн тусламж үйлчилгээ санал болгодог ч иргэд хувийн эмнэлгүүдийг илүүд үздэг.

Тиймээс тус улс дэлхийн эрүүл мэндийн зэрэглэлээрээ 84-т жагсдаг бол АНУ 69-т оржээ. Мөн АНУ-д эрэгтэйчүүдийн дундаж наслалт 76, эмэгтэйчүүдийнх 80 гэж бүртгэгдсэн. Энэ нь Оростой харьцуулахад өндөр тоо юм. Учир нь тус улсын эрэгтэйчүүд дундаж наслалт 67 бол эмэгтэйчүүдийнх 77 юм.

Үүнээс гадна Орост дөнгөж төрсөн эмэгтэйд цалинтай 20 долоо хоногийн чөлөө олгодог бол АНУ-д ямар ч тэтгэмжгүй 12 долоо хоногийн чөлөө өгдөж аж. Гэхдээ Орост "аавын арван хоног" гэгддэг чөлөөг хүүхэдтэй болсон аав нарт олгодоггүй. Харин АНУ-д 14 дөнгөж төрсөн ээжүүдийн адил аавуудад нь цалингүй 12 долоо хоногийн амралт олгодог юм байна.

Дэлхийн хамгийн хүчирхэг хоёр улс гэгдэх АНУ болон Орос нь олон жилийн турш өрсөлдөж ирсэн. Гэхдээ тухайн улс орны иргэдийн эрх чөлөө, амьжиргааны түвшин өөр учир аль ч улс давамгайлахгүй аж. Эдгээр статистик үзүүлэлт нь оршин суугчдын санал хүсэлт дээр тулгуурласан тул аялах эсвэл амьдрах хүсэлтэй хүмүүст дөхөм болох мэдээлэл юм.

Эх сурвалж: CNN, THE WORLD HAPPINESS REPORT, NUMBEO, THE WORLD ECONOMIC FORUM, WORLD HEALTH ORGANIZATION, UNITED NATIONS