Японы баруун өмнөд хэсгийн Кюүшү мужийг дайран өнгөрч буй Шаншан хар салхи их хэмжээний хохирол учруулаад байна. Тодруулбал, Лхагва гаригт Мияазаки мужийн Мияазаки хотод хүчтэй салхилсны улмаас дөрвөн хүн хөнгөн бэртжээ. Цаг уурын албаныхан хар салхины хохирлын хэмжээг бүс нутгийн гэрчүүдийн мэдүүлэг дээр үндэслэн тооцоолж байна. Хотын албаныхны мэдээлснээр, хөнгөн бэртсэн дөрвөн хүн нь өсвөр наснаас 80 гарсан хүмүүс хүртэл байсан.

Тухайлбал, хагарсан цонхны шилд зүсэгдсэн, дээврийн хавтанд цохиулсан зэрэг гэмтлүүд бүртгэгджээ.

Шаншан хар салхи хэтэрхий хүчтэй байсан тул "JR Minami-Miyazaki" буудал болон Мияазаки нисэх онгоцны буудлын үйл ажиллагаанд гэмтэл гарсан 20 гаруй дуудлага бүртгэгдсэн. Дийлэнх хохирол нь үл хөдлөх хөрөнгө, түрээс, байгууллагуудын объектод бүртгэгдсэн ба хагарсан шил, нурсан хана, унжсан цахилгааны утас зэрэг гэмтэл гарсан.

Пүрэв гаригийн 02:00 цагийн байдлаар 10-60 хүртэлх насны найман хүн эмнэлэгт хүргэгдсэн байна.

Гэхдээ амь насанд аюултай шалтгаанаар эмнэлэгт хэвтээгүй аж. Кагошима мужийн Кагошима хотын цагдаа нар 60 гаруй насны эрэгтэй хөлөг онгоцноос далайд унасан тухай мэдээлэл Лхагва гаригийн орой авч, гал түймрийн албанд мэдэгдсэн байна. Гал сөнөөгчид, эргийн хамгаалалтын ажилтнууд болон бусад хүмүүс далайд унасан эрэгтэйг эрэн сурвалжилж байгаа ч одоо хүртэл олдоогүй байгаа юм.

Эх сурвалж: NHK JAPAN