"Хартсфилд-Жексон" Атлантагийн олон улсын нисэх онгоцны буудалд Мягмар гаригт "Delta"-ийн онгоцны дугуй дэлбэрсний улмаас хоёр хүн нас барж, нэг хүн шархаджээ. Нас барсан хоёр хүний нэг нь "Delta"-ийн ажилтан, нөгөө нь гүйцэтгэгч компанийн ажилтан байжээ. Атланта Техникийн Үйл ажиллагааны засвар үйлчилгээний байгууламжид уг осол болсон. Гэхдээ дэлбэрэлт нисэх онгоцны буудлын үйл ажиллагаанд нөлөөлөөгүй аж.

"Хартсфилд-Жексон" нисэх онгоцны буудал нь дэлхийн хамгийн ачаалалтай нисэх онгоцны буудлуудын нэг юм. Аялал жуулчлалын төвийн мэдээлснээр өнгөрсөн онд тус нисэх буудлаар 104 сая зорчигч үйлчлүүлжээ.

Атланта Техникийн Үйл ажиллагааны засвар үйлчилгээний байгууламж нь дэлхийн өнцөг булан бүрээс ирсэн 150 гаруй нисэх онгоцонд засвар үйлчилгээ үзүүлдэг.

Ослын шалтгааныг тодруулахаар мэргэжлийн байгууллага ажиллаж байна. Хэвлэлд ослын шалтгааныг өөр өөрөөр мэдээлжээ. Тухайлбал, орон нутгийн "WSB" телевиз "Засвар үйлчилгээний үеэр нэг дугуй нь дэлбэрч, метал эд зүйлийг агаарт шидсэн" гэсэн бол "AJC" хэвлэл "Онгоцонд хийгээгүй тусдаа байсан дугуйны эд ангид дэлбэрэлт үүссэн" гэж мэдэгджээ.

Эх сурвалж: PEOPLE