Уур амьсгалын өөрчлөлтийг судлах технологийн нэгэн компани хүлэмжийн хийг шингээх, хадгалах, "програмчлах" боломжтой жижиг тоосонцрыг бүтээж, 10 мянган ам.долларын хөрөнгө оруулалтыг авч чаджээ. Тодруулбал, Ноттингем дэх "Promethean Particles" нь хүлэмжийн хийг шингээн авдаг нано металл органик тоосонцрыг бүтээсэн. Нэг цайны халбага "супер шингээгч" нь хоёр теннисний талбайтай тэмцэх талбайн хүлэмжийн хийг өөртөө шингээж, хадгалдаг аж.

"Promethean" компани "Metal Organic Frameworks" (MOFs) хэмээх шингээгчийг олон тоогоор хямд төсвөөр үйлдвэрлэхийг хичээж байна.

Одоогийн байдлаар нэг кг шингээгчийг хэдэн мянган ам.доллароор үйлдвэрлэж байгаа тул дор хаяж 31.50 ам.доллар болтол үнийг нь бууруулахаар ажиллаж байна. Хэрэв хямд төсвөөр үйлдвэрлэж, борлуулж чадвал хүлэмжийн хийн хэмжээ буурж, уур амьсгалын өөрчлөлтийг багасгаж магадгүй. Олон нийтэд санхүүгийн хүртээмжтэй байлгахын тулд цайр, магни зэрэг хямд металлуудыг ашиглаж байгаа аж. Эдгээр металлууд нь уян хатан чанартай бөгөөд янз бүрийн хийг татах, барих зориулалттай.

Эх сурвалж:BBC