Исландын мөсөн голоор аялж явсан жуулчид мөсөн нурангид дарагджээ. Ослын улмаас нэг америк жуулчин нас барж, өөр нэг нь бэртсэн байна. Бэртсэн эмэгтэйг эмнэлэгт хүргэсэн бөгөөд бэртэл нь амь наснаас холуур аж.

Групп аялалд 25 хүн байсан бөгөөд хоёр нь Брейдамеркуржокулл мөсөн голын нурангид дарагдсан гэж цагдаа нар анх мэдэгдсэн. Аврагчид бүтэн өдрийн турш эрэн хайсан боловч хүн олоогүй тул эрлийн ажиллагааг зогсоосон байна. Эцэст нь цагдаагийн байгууллагаас 25 биш 23 хүн байжээ гэсэн мэдэгдэл хийжээ.

Аяллын багийнхан Ням гаригт хөтөчийн хамтаар мөсөн агуйд зочилж байх үед энэ осол болсон. Осол болсон тухай дуудлагыг 15:00 цагт өгсөн бөгөөд эрэн хайх ажиллагаанд 200 гаруй алба хаагч оролцжээ. Аврагчид бараг бүх мөсийг эвдэж, хагалж, хөдөлгөжээ.

Агуй руу аялсан нь буруу байсан гэж хэлэх шалтгаан байхгүй аж. Яагаад гэвэл мөсөн агуйн аялал бараг бүтэн жилийн турш үргэлжилдэг. Мөн аяллыг туршлагатай хөтөч нар удирдан явуулдаг.

Аяллын ахлах хөтөч Рунарссон хэлэхдээ “Азгүй байх тохиолдол бий. Хүмүүс явахад аюултай эсэх нөхцөл байдлаа үнэлдэг гэдэгт би итгэж байна. Цаг хугацааны явцад энэ газар өөрчлөгддөг. Амьд газар учраас юу ч тохиолдож болно” гэжээ.

Эх сурвалж: BBC