Өнгөрсөн нэг сарын турш Ливан болон Израилийн арми дайны бэлэн байдлаа хангасан. Ливанаас Израилийн эзлэн авсан Голаны өндөрлөгт Хезболла бүлэглэл пуужингийн халдлага хийсний хариуд Израилийн цэргийн хүчин болох "IDF" Бейрутын өмнөд хэсэгт Хезболлагийн дээд командлагчийг устгасан.

Үүний хариуд Ираны дэмжлэгтэй Хезболла бүрэн хэмжээний дайралт өгнө гэж амлаж байсныхаа дагуу өнгөрсөн Ням гаригт Израиль руу довтлов.

НҮБ болон барууны орнууд Израилийн Газын зурваст явуулж буй дайнаас гадна Хезболла дайнд нэгдэх магадлалтай гэдгээс болгоомжилж, гал зогсоохоор хэлэлцэж байсан ч хурцадмал байдал бүс нутгийнх бус улс дамжсан дайн болон хувирлаа. Ням гарагийн өглөө Хезболла ЗХУ-ын үеийн богино тусгалын пуужин болох олон зуун нисгэгчгүй онгоц, Катюша пуужин хөөргөснөөр Израильд "хариу барьсан" гэж мэдэгдэв.

Уг пуужингууд нь Израилийн цэргийн 11 баазыг онилсон байсан ч тус улсын ерөнхий сайд Беньямин Нетаньяаху Хезболлагийн бүх дайралтыг саармагжуулж чадсан гэлээ.

Израиль хариу пуужин хөөргөж, гурван хүний амь насанд хүрсэн байна. Тус улсын эрх баригчид мөн Галилын дээд хэсэг болох хамгийн хойд газар нутагтаа тавьсан аюулгүй байдлын хязгаарлалтаа цуцалж, хил дээрх мөргөлдөөнийг эрчимжүүлэх шийдвэр гаргасан байна. Хезболла болон Израилийн эрх баригчид Ням гаригт болсон мөргөлдөөн дуусах болоогүйг илтгэж, нэг нэгнээ алан хядагч хэмээн нэрийдэн, устгахаа амлалаа.

Талууд мөргөлдөж байх үед Катарт Хамас, Израилийн гал зогсоох хэлэлцээр үргэлжилж байв.

Тодруулбал, өнгөрсөн оны тавдугаар сард АНУ-ын ерөнхийлөгч Жо Байдены санаачилсан зургаан долоо хоногтой гурваны үе шатлалыг төлөөлөгчид ярилцсан. Хамасын төлөөлөгчид Байдены санаачилгын дагуу гал зогсоох хүсэлтэй байгаагаа дахин мэдэгдсэн бол Израиль хэд хэдэн өөрчлөлт оруулах саналтай байгаа юм. Энэ удаагийн хэлэлцээ тодорхой үр дүнд хүрээгүй ч зуучлагч орнууд дараагийн уулзалт Газын зурвасын хүмүүнлэгийн дайныг зогсоож чадна гэдэгт итгэлтэй байна.

Эх сурвалж:CNN