Монгол Улс дөрвөөс дээш хүүхэдтэй ээжүүдийг "Алдарт эхийн одон"-гоор шагнадаг шиг бодлого дэлхийн бусад орнуудад байдаггүй. Үүнийг барууны хэвлэл мэдээллийн хэрэгслүүдэд онцлон тэмдэглэдэг бөгөөд төрөлтийн тоог нэмэгдүүлж, хүн амын өсөлтийг тогтвортой баримтлах бодлого гэж тодорхойлдог аж.

Тэгвэл Монгол Улсын  эмэгтэйчүүдийн төрөлтийн статик үзүүлэлт 2024 оны эхний зургаан сарын байдлаар 1000 эмэгтэй тутамд 20.055 байгаа нь өмнөх оныхоос 2.38 хувиар буурсан үзүүлэлт юм. Гэсэн хэдий ч хөрш орнууд болох Орос, Хятадын үзүүлэлттэй харьцуулахад төрөлтийн тоо өндөр байгаа юм. Энэ талаар "X" платформ дээр "More Births" цахим хаяг нийтлэл оруулсан байх ба "Өнгөрсөн 68 жилийн турш Монгол Улсын удирдагчид Алдарт эхийн одонгоор олон хүүхэдтэй ээжүүдийн шагнасан. Энэ нь эх хүний нийгэм дэх статусыг дээшлүүлж, төрөлтийн гайхалтай соёлыг бий болгосон" гэж бичсэн байжээ.

Уг нийтлэлийг "X" платформын эзэн, "SpaceX" компанийн үүсгэн байгуулагч Элон Маск өөрийн цахим хаяг дээрээ хуваалцсан байна. Тэрбээр "Энэ үнэхээр гайхалтай санаа байна. Монголд үнэхээр хэрэгтэй" гэж санал бодлоо хуваалцжээ. Элон Маскийн хувьд экс гурван эхнэрээсээ 12 хүүхэдтэй "алдарт аав" юм.