Шаншан хар салхи Мягмар гаригт маш хүчтэй хар салхи болж, Японы зүүн хэсгийг дайрах төлөвтэй байна. Тус улсын цаг уурын агентлагийн мэдээлснээр, Ням гаригийн өглөөний 03:00 цагийн байдлаар ШанШан хар салхи Огасавара арлуудын ойролцоох далайн бүст эрчимжиж, баруун хойд зүгт хөдөлж байгаа аж. Энэ нь 980 гектопаскаль төвлөрсөн атмосферийн даралттай бөгөөд хар салхины төв нь 126 км/цаг байна. Хэрэв эрчмээ алдахгүй байвал Мягмар гаригт 180 км-т хүрч магадгүй.

Японы зүүн хэсгээр Мягмар, Лхагва гаригт цаг агаар эрс ширүүсч, бороо орж, салхи шуурна гэж цаг уурын албаныхан мэдээлэв. Мөн тус өдрүүдэд арлын хойд хэсгүүдийн цаг агаар ширүүсэх төлөвтэй байна. Хар салхины өмнө аадар бороо орж, тээврийн хэрэгсэл, үйлчилгээний байгууллагуудын үйл ажиллагаанд нөлөөлж болзошгүй. Тиймээс ард иргэдийг цаг агаарын болон онцгой байдлын мэдээг анхааралтай ажиглахыг цаг уурын агентлаг уриалжээ.

Эх сурвалж:NHK JAPAN