Чеченийн удирдагч Рамзан Кадыров "Тесла"-ийн кибертрак жолоодож буй бичлэгээ саяхан цахим орчинд нийтэлсэн. Кадыров зэвэрдэгггүй гангаар хийгдсэн уг машиныг дэлхийн хамгийн шилдэг машинуудын нэг гэж тодорхойлоод би шууд утгаараа дурласан гэжээ. Тэрбээр энэ машиныг Оросын хүчинд бэлэглэнэ гэв. "Тэд үүнийг кибер араатан гэж нэрлэсэн нь нэрийн төдий зүйл биш. Энэ араатан манай цэргүүдэд асар их ач тусаа өгнө гэдэгт итгэлтэй байна" гэж Кадыров хэлжээ.
Цахилгаан хөдөлгүүртэй уг машины гадаад төрх нь "Оддын дайн" киног санагдуулах боловч тулааны талбарт үр дүнтэй ашиглахад хэцүү гэж цэргийн шинжээч Марк Кансиан хэлэв. Тэрбээр "Тулааны талбарт энийг хаана цэнэглэх вэ? Донбассын фронтод ‘Тесла’-ийн цэг байхгүй" гэжээ.
"Тесла"-ийн кибертрак ойролцоогоор 100 мянган ам.долларын үнэтэй. Дьюкийн их сургуулийн Санфордын төрийн бодлогын сургуулийн туслах профессор, ЗХУ ба АНУ-Зөвлөлтийн харилцааны түүхч Саймон Майлс хэлэхдээ "Кадыров бол үнэтэй тоглоомд дуртай хачирхалтай хүүхэд" гэжээ. Мөн Кадыров олон нийтэд өөрийгөө сурталчлах дуртай.
Дайны талбарт цахилгаан машин ашиглах нь АНУ-ын армийн шийдвэрлэх гэж оролдож буй асуудал аж. Уур амьсгалын хямралтай тэмцэхийн тулд АНУ-ын армийг цахилгаан эрчим хүчээр хангах хэрэгтэй гэж шахагсад бий. Гэхдээ армийн машинуудыг цахилгаанжуулахад асар их хэмжээний бөгөөд хялбар хүртээмжтэй цахилгаан шаардагдана.
Эх сурвалж: BUSINESS INSIDER
DebPhillips 3 цагийн өмнө 45.15.73.203
Харуулах боломжгүй.
Нэргүй 8 цагийн өмнө 202.126.89.150
Гях,,,,гяхх,,,гяхх,,,,нохой кадыров бол манай жэнко жингэр шиг л таг харанхуй орк юмшүүдээ,,,,чааваас,,,,осолдохгүй,,,,уншиж,,,,бол,,,,чаддаг байлгүйдээ,,,,бичиж бол яагаад ч,,,,бүр буудаж а**а гэсэн ч чадахгүйшдээ,,,,,кремлийн марзан салбадай,,,