Улаанбаатарт дугаарын хязгаарлалт үйлчилж байгаа ч хичээл орох дөхсөн өдрүүдэд замын хөдөлгөөний түгжрэл ихэсч, замууд тэг зогсолттой болдог. Өнөөдөр ч мөн гол замууд түгжрэлтэй байгаа бөгөөд зайлшгүй шаардлагагүй тохиолдолд машингүй явахыг зөвлөж байна. Төв замуудад автомашины түгжрэл сийрэг байгаа ч Хан-Уул дүүргийн замууд, Нарны зам, Гандантэгчэнлин хийд, нисдэг машин зэрэг замуудад нийтийн тээврээс бусад эгнээний машинууд нэг байршилдаа 30-40 минут болж байгааг жолоочид хэлж байгаа юм.

Замын хөдөлгөөний удирдлагын төвийн цахим хуудасны нөхцөл байдлын мэдээллээс харахад 19-ийн үйлчилгээний төв хүртэлх зам, Залуучуудын өргөн чөлөө  хэсгийн зам, Бага тойруу, Хавдар судлалын үндэсний төвөөс урдагш чиглэсэн талын гол замуудад 5 км-ээс доош хурдтай буюу тэг зогсолттой байна.

Харин СУИС, МУИС, 100 айл, зуслангийн чиглэлтэй замууд 10-25 км хурдтай буюу улаан, улбар шар өнгийн тэмдэглэгээтэй харагдаж байгаа юм. Иймд та бүхэн замын хөдөлгөөний мэдээллийг сайтар авч, аль хэсгээр зорчиж хөдөлгөөнд оролцохоо тооцоолж гарахыг зөвлөж байна. Замын хөдөлгөөний мэдээллийг энд дарж харна уу.