Украины довтолгоо үргэлжилж буй Брянск, Курск, Белгород мужуудын иргэдийг видео камер, олон нийтийн сүлжээ, болзооны апп ашиглахгүй байхыг Оросын эрх баригчид зөвлөж байна.

ОХУ-ын Дотоод хэргийн яам Мягмар гаригт мэдэгдэл гаргахдаа "Украинчууд мэдээлэл цуглуулахын тулд видео камер, олон нийтийн сүлжээг ашиглаж байна. Дайсан манай нутаг дэвсгэр дэх IP хүрээг тодорхойлж, хамгаалалтгүй видео хяналтын камеруудыг алсаас холбож байна. Үүнийхээ тусламжтайгаар хувь хүний хашаа хорооноос эхлээд стратегийн ач холбогдол бүхий авто зам, хурдны зам гээд бүх зүйлийг харж байна. Тиймээс яаралтай шаардлага байхгүй бол видео хяналтын камерыг ашиглахгүй байх нь дээр. Мөн чатыг хянаж, зохицуулах, олзлогдсон хүмүүсийн дансыг нэн даруй устгах шаардлагатай" гэжээ.

Түүнчлэн танихгүй хаягнаас ирж буй холбоосыг нээхгүй байх, албан ёсны болон хувийн мэдээлэл ихтэй гар утсыг ашиглахгүй байх, олон нийтийн сүлжээ, мессенжерт бичлэг оруулахгүй байх, шууд дамжуулалт явуулахгүй байх, цахим орчинд хувийн мэдээллээ хаалттай байлгаж, зураг, бичлэгүүдээ устгахыг  зөвлөж байна.

Дашрамд дурдахад, Украины арми 14 хоногийн өмнө Курскт нэвтрэн орсноос хойш бүс нутагт 30 гаруй хүн амиа алдаж, 140 хүн шархаджээ.

Эх сурвалж: ABC NEWS