Энэтхэгийн ерөнхий сайд Нарендра Моди Украинд айлчлах гэж буйг тус улсын Гадаад хэргийн яам өнөөдөр мэдэгдлээ. Энэ нь Орос, Украины дайн эхэлснээс хойш Моди анх удаа Украинд айлчилсан тохиолдол болно. Тэрбээр сар гаруй хугацааны өмнө Москвад айлчилж, ОХУ-ын ерөнхийлөгч Путинтэй мөн уулзсан билээ.

Айлчлалын нарийн тов энэ долоо хоногийн сүүлээр гарах аж. Украинд айлчлах замдаа Польшт мөн саатна гэдгийг мэдэгдлээ.

Орос, Украины дайн эхэлсний дараа барууны орнууд Москвагийн эсрэг хориг арга хэмжээ авсан ч Энэтхэг, Хятад зэрэг найрсаг түншүүд нь худалдааны харилцаагаа таслалгүй үргэлжлүүлсээр байна. Энэтхэгийн тухайд яриа хэлэлцээ, дипломат арга замаар мөргөлдөөнийг шийдвэрлэхийг талуудад уриалж, цэргийн тусгай ажиллагаанд Москваг буруутгахаас зайлсхийсээр ирсэн. Тэд барууны орнуудтай ч харилцаагаа гүнзгийрүүлж, эртний анд Оростой ч харилцаагаа хадгалахыг эрмэлздэг.

АНУ нь Энэтхэгтэй харилцаагаа бэхжүүлэхийг эрмэлзэж буй тул Шинэ Делигийн Москватай харилцах харилцаанд болгоомжтой хандаж байна.

Эх сурвалж: REUTERS