Зүүн Германы Лейпциг хотын ойролцоо Бямба гаригт алсыг харагч дээр гал гарчээ. Алсыг харагчийн хоёр бүхээгт гал гарснаар 23 хүн хохирсон байна. Эндээс дөрөв нь түлэгдэж, нэг нь доош унахдаа бэртсэн бол бусад нь утаанд хорджээ. Хохирогчдын гэмтэл бэртэл амь наснаас холуур өнгөрснийг Ням гаригт хэвлэлд мэдээлэв.

Гал эхлээд нэг бүхээгт гарч, улмаар хоёр дахь бүхээг рүү шилжсэн байна. 30 минутын дотор галыг бүрэн унтрааж чаджээ.

Тухайн үед цэнгэлдэх хүрээлэнд “Highland Festival” болж байжээ. Германы реппер Ски Аггу энэ үеэр фестивалийн тайзнаа дуулж байсан. Зохион байгуулагчид түүн рүү дотоод холбоогоор хандаж ямар ч нөхцөлд тоглолтоо зогсоож болохгүй, оронд нь үзэгчдийг тайван байхыг уриална уу гэж хүсчээ. “Нөхцөл байдлыг хурцатгахгүй байх нь тэргүүн зорилт байсан. Азаар энэ нь ч хэрэгжсэн” гэж Ски Аггу хэлжээ.

Эх сурвалж: THE HILL