Тайландын ерөнхий сайд асан Таксин Чинаватрагийн охин Паэтонгтарн Чинават тус улсын хамгийн залуу ерөнхий сайд болж, албан тушаалдаа орлоо. Хэд хоногийн өмнө ерөнхий сайд Сретта Тависин ялтан хүнийг сайдаар томилсноос болж шүүх түүнийг ёс зүйн дүрэм зөрчсөн хэргээр огцруулжээ. Дараа нь парламентыг санал хураалт явагдаж Паэтонгтарн Чинават сонгогдсон байна.

 Паетонгтарн 37 настай бөгөөд нагац эгч Йинглак Чинаватра нь 2011-2014 оны хооронд ерөнхий сайдын үүрэг гүйцэтгэж байжээ.

Паетонгтарн парламентын танхимд үг хэлэхдээ ерөнхий сайд асан Среттаг огцруулах шүүхийн шийдвэрт эргэлзэж буйгаа илэрхийлсэн байна. Гэхдээ улс орноо сайжруулахын тулд чадах бүхнээ хийнэ гэж амлажээ. Тэрбээр өмнө нь засгийн газарт ажиллаж байсан туршлагагүй. Гэхдээ гэр бүлийн гурван гишүүн нь ерөнхий сайд болж байсан. Паетонгтарны аав, нагац эгч, хүргэн ах нь засгийн газрыг удирдаж байсан тул зааж, зөвлөх хүнтэй гэдгээрээ бахархдаг аж.

Эх сурвалж: GUARDIAN