Нийслэлийн цэцэрлэгийн бүртгэлийг 2024 оны наймдугаар сарын 1-ний өдрөөс эхлэн хоёр үе шаттай зохион байгуулж буй. Цэцэрлэгт 2019 оны нэгдүгээр сарын 01-ээс 2022 оны арванхоёрдуаар сарын 31-ний хооронд төрсөн хүүхэд шинээр бүртгүүлнэ.

Энэ жил цэцэрлэгийн хүсэлтийг "Е-Mongolia" системээр наймдугаар сарын 18-н хүртэл хүлээн авна.

Хэрвээ цахимаар бүртгүүлэх боломжгүй бол ойр байрлах төрийн өмчийн цэцэрлэгт өөрийн болон хүүхдийн бичиг баримттай очиж, дэмжих багийнхны тусламжтайгаар хүсэлтээ цахимаар илгээх боломжтой юм.

Нийслэлийн хэмжээнд цэцэрлэгт хамрагдах 142,150 хүүхэд байгаагаас өнөөдөр /2024.08.18/-ний 08:00 цагийн байдлаар 2-5 насны нийт хүүхдийн 73 хувь буюу 103,825 хүүхэд нэгдүгээр шатны бүртгэлээ амжилттай илгээсэн байна. 2024 оны наймдугаар сарын 19-21-ний өдрүүдэд хуваарилагдсан цэцэрлэгийн мэдээлэл таны бүртгүүлсэн утасны дугаарт мессежээр илгээгдэх юм.