"NASA" болон Канадын хамтрагч байгууллага ангараг гарагт сансрын нисгэгчид очих бол хоол хүнсээ урт хугацаанд хэрхэн хадгалах талаар судалж байна. Тиймээс эрдэмтэд дунд томоохон тэмцээн зохион байгуулсан бөгөөд оролцогчид сансрын нисгэгчдэд зориулж амттай, тэжээллэг хоол боловсруулах, хадгалах технологи боловсруулжээ.

Өнгөрсөн Баасан гаригт /2024.8.16/ Охайо мужийн нэгэн дээд сургуульд тэмцээн болсон бөгөөд "Deep Space Food" нэртэйгээр зохион байгуулагдсан.

Финалын шатанд долоон баг тунаж үлдсэн бөгөөд тэдний зохион бүтээсэн бүх технологи шагнал хүртжээ. Калифорнийн их сургуулийн баг ус, нүүрстөрөгчийн давхар ислийн электролиз ашиглан мөөг, улаан лооль ургуулах хайрцаг бүтээсэн байв.

Колорадогийн нэгэн компани цилиндр хэлбэртэй зуух бүтээж, сансарт халуун хоол идэх боломжтой болгожээ. "NASA"-гийн шүүгчдэд Колорадогоос ирсэн компанийн зуухыг ашиглаж үзэхэд урьдчилсан бэлтгэсэн хоолны нунтгийг устай хольж, 20 минут орчим халаасны дараа пицца болон хувирч байв. Тунаж үлдсэн долоон багаас хүнсний ногоо боловсруулах, ургуулах технологийг бүтээсэн баг хамгийн том шагнал болох 750 мянган ам.долларыг авсан байна.

Эх сурвалж: NHK JAPAN