Газын зурваст дайтаж буй талууд болох Израиль, Хамасын төлөөлөгч нар Дохад уулзалдаж, гал зогсоох хэлэлцээрийн талаар хоёр өдрийн турш ярилцсан. Хурал Баасан гаригийн 22:40 минутад дуусч, зуучлагч орнууд болох Катар, Египет,АНУ-ын төлөөлөгчид "энэ удаагийн яриа, хэлэлцээ маш үр дүнтэй, үр бүтээлтэй болсон" гэж мэдэгдлээ.

Одоогийн байдлаар тодорхой мэдээлэл гараагүй байна. Гэхдээ өнгөрсөн тавдугаар сард ерөнхийлөгч Байдены санаачилсан гурван үе шаттай гал зогсоох төлөвлөгөөний зарим нөхцөлийг Израиль болон Хамас өөрчлөх хүсэлтэй байгаагаа илэрхийлсэн байна. Мөн хэрхэн өөрчлөх боломжтой талаараа илтгэжээ.

Гал зогсоох хэлэлцээр ирэх долоо хоног хүртэл завсарлаж, Израиль болон Хамас өөрчлөгдсөн нөхцөлүүдийн талаар нухацтай бодож, шийдвэр гаргах болжээ. Зуучлагч орнуудын төлөөлөгч хэлэхдээ "Ирэх долоо хоногийн сүүлчээр Каир хотноо дахин хуралдаж, өнөөдөр өөрчилсөн нөхцөлүүдийн дагуу тохиролцоонд хүрнэ гэж найдаж байна" гэж "Aljazeera" агентлагт мэдээлэв.

Эх сурвалж: ALJAZEERA